قامت الفنانة الجميلة زينة، بالكشف عن كواليس بدايتها الفنية، وأشارت إلى أن والديها رفض دخولها مجال التمثيل وأن والدتها هى من سمحت لها العمل كمذيعة، وأوضحت بأنها بالفعل عملت مذيعة مدة 3 شهور.
زينة عن العمل بالفن: «شغلانة كويسة واللي بيقول إنه عيب لما بيشوفنا بيجري يتصور معانا»
وأكدت الفنانة، أثناء استضافتها ببرنامج “مساء dmc”، والتى تقوم بتقديمة الاعلامية إيمان الحصرى، والذى يُذاع من خلال فضائية “dmc”، وقالت:ـ “اشتغلت مذيعة شهرين أو تلاتة فقط، وده بناءاً على رغبة والدتي، وكان عندها فكرة المذيعة إني هلبس بدل حلوة ولذيذة وشيك، وهى كانت رافضة تماماً إني أشتغل بمجال التمثيل، وضغطت عليا لحد ما شيلت كتير جوايا وانفجرت”.
وتابعت زينة:ـ “ومن ساعتها لما بلاقي أي حد من اصحابي ولادهم عاوزين يمثلوا وهما رافضين بقولهم سيبوهم يخوضوا التجربة بنفسهم، وده علشان متسبشي جواهم أثر كبير، ويبقوا عاوزين يعملوا ده لما يكبروا، وإنتوا لما تسيبوهم هيتعبوا وهيزهقوا وهيطلعوا الطاقة اللي جواهم، وممكن أوي ينجحوا علشان العمل بالفن شغلانة كويسة ومش عيب، واللي بيقولوا الفن عيب هما نفسهم اللي بيتفرجوا علينا، وبيجروا علشان يتصوروا معانا”.
وأضافت الفنانة:ـ “وعلى فكرة أنا شفت جنازات كتير للفنانين الجمهور العادي بيمشي فيها، وكفاية أوي إن لو اسرة حد مات فيها هما اللي بيدعوله بس، ولكن لو فنان وناس بتحبه الكل بيدعيله وخصوصاً لو فنان مُتفاني في عمله، وده علشان في طفرات من الفنانين بتحب عملها وبتتفانى فيه، وهو ده اللي بيكسب حب الناس ومش بياخد حاجة غيرها”.
وجديراً بالذكر، بأن الفنانة زينة شاركت في السباق الرمضانى للعام الحالى 2023، بمسلسل “جعفر العمدة”، وحققت زينة الكثير من النجاح من خلال العمل، وشارك الفنانة بطولة العمل مجموعة كبيرة من نجوم الفن أبرزهم “محمد رمضان، وهالة صدقى، ومى كساب، وفريدة سيف النصر، ومنة فضالى، وأحمد داش، ومجدى بدر، وإيمان العاصى، ومنذر ريحانة”، وغيرهم، والعمل من تأليف واخراج محمد سامى.
