كشفت الفنانة يسرا، عن كواليس من حياتها الشخصية والفنية، وأشارت إلى أن والدتها من أكثر الشخصيات التى أثرت عليها خلال حياتها، وأوضحت بان القدر هو من يقوم بتغيير مسار أى انسان.
يسرا: السوشيال ميديا صعب الدنيا
وأكدت الفنانة، أثناء استضافتها ببرنامج “طريق تالت”، والتى تقوم بتقديمة الاعلامية إيناس سلامة الشواف، والذى يُذاع من خلال إذاعة “راديو انرجى 92.1″، وقالت:ـ” أحيان كتير بنمشي في طريق تالت وبيكون القدر هو السبب، وحقيقي دي نعمة من عند ربنا إنك تمشي في طريق أفضل من الطريق اللى كنتي عاوزاه”.
وحينما سؤلت عن أكثر الشخصيات التى أثرت عليها خلال حياتها، علقت قائلة:ـ “والدتي من أكتر الشخصيات اللى أثرت فيا بصورة كبيرة، وكمان اتعلمت كتير أوي من اساتذة اشتغلت معاهم على مدار السنوات الماضية، وشغلتنا دي غنية جداً، وصعبة تخليك تتعلم منها الكثير”.
وأما عن الشخصيات التى أثرت عليها بالسلب قالت:ـ “ممكن أوي تتصدمي خلال رحلتك في ناس، وإنهم يطلعوا بالشر ده بس للأسف الشديد موجودين في حياتك، وحنا ضروري تقفي وقفة مع نفسك علشان تحصني نفسك من إنك تتوجعي”.
وعن أكثر الشخصيات المؤثرة في حياتها أكدت:ـ “والدتي أثرت في تعليمي، وكان ليها الفضل الأول والأخير في حياتي، وفى المدرسة كنت بحترم كل المدرسين، ولكن كنت بخاف أوي من مديرة المدرسة، وفى نفس الوقت اتعلمت منها كتير”.
وفى نهاية اللقاء سؤلت عن السوشيال ميديا، وعن مدى تأثيرها عليها حيث قالت:ـ “أنا محددة استخدامات السوشيال ميديا مش بالمشاهدات ولا بالشير، وكمان هى مش موجودة علشان السبب الرئيسي لوجودها، وهو الحصول على المعلومات الحقيقية، ووجودها كان عشان تسهل الدنيا مش تصعبها بالشكل ده”.
