قامت الفنانة الجميلة يسرا، باستعادة بعض الذكريات لها مع الفنان الراحل علاء ولى الدين، والتى كانت ذكراه الـ 20 أمس، وحكت الفنانة عن بعض المواقف المؤثرة التى حدثت بينهما، وأشارت إلى أنها كانت تربطها بالراحل علاقة صداقة قوية.
يسرا عن علاء ولى الدين: «اشترى بيت جديد قبل ما يموت وقالى مش هيلحق يدخله»
وأكدت الفنانة، من خلال مداخلة هاتفية مع الاعلامية إيمان الحصرى، والتى تقوم بتقديم برنامج “مساء dmc”، والذى يُذاع من خلال فضائية “dmc”، وقالت:ـ “الراحل علاء ولى الدين كان بتاع ربنا شئ عجيب، ويمكن أول مرة أقول الكلام ده.. هو لما اشترى بيت جديد، وكلنا جبناله هدايا وروحنا نهنيه، ولما قابلته قالى حاجة غريبة أوى إنوا مش هيلحق يخش البيت ده، وأنا ساعتها قولتله يا شيخ متقلش كده بعد الشر عليك، وفعلاً هو ده اللى حصل وعمره ما دخلوا كأنه عارف إنوا هيموت”.
وأضافت يسرا:ـ “هو كان تعبان بس مكنش عامل حساب للتعب ده، وبجد هو كان نضيف ونقى من جوة، وكان صاحب صاحبه مش أنانى زى ناس كتير، وحقيقى كان شاطر وزكى في اختياراته وكان عارف يختار لنفسه والحالة الكوميدية اللى بيقدمها، وكان بيعرف يختار المخرجين اللى بيعرفوا يقدموه”.
وتابعت الفنانة:ـ “وعلاء كان بيحب شغله أوى وبيعشقه، وأنا مش مصدقة إنوا عدى 20 سنة على وفاته، ولحد النهاردة بعد وفاته مقدرتش أخش المسرح، وده مع إنى كنت بخش وبجرى علشان أشوفهم وأقعد معاهم”.
وتحدثت يسرا، عن علاقتها بأسرة الراحل وقالت:ـ “مش قادرة أوصف علاء كان بالنسبة ليا إيه، وعلى فكرة أنا كنت أعرف والده ووالدته وهو كان بالنسبة ليا أخويا الصغير، ولما مات إتصدمت علشان كنت بقعد أفضفض معاه على طول، وفى أحد المرات قالى إنوا في مشاكل بينه وبين والدته وأنا صالحتهم، وبجد فرحته كانت زى الطفل الصغير”.
