قامت الفنانة الجميلة شهيرة، بالتعليق على الانتقادات التى دائماً ما توجه للفنانين وأبنائهم وأحفادهم، وذلك بسبب اتجاههم للعمل بمجال الفن، وأوضحت بأن الأمر يتعلق بالجينات الوراثية والموهبة وانتشارها بين أفراد الأسرة.
شهيرة: «أبناء الفنانين لازم يدخلوا الفن»
وأكدت الفنانة، من خلال تصريحاتها مع القاهرة 24 وقالت:ـ “كل إنسان له شخصيته المُختلفة، ومفيش شخص بيمشى على خُطى أهله، ولكن كل اللى أقدر أقوله إنهم بياخدوا جينات الموهبة الفنية، ولكن الناس بتقعد تتكلم على الفاضى والمليان ويقولوا هما ليه أولاد الفنانين لازم يبقوا زيهم؟، وأنا بقولهم آه لازم يبقوا زيهم”.
وكشفت الفنانة، عن سبب إتجاه أبناء الفنانين إلى العمل بالتمثيل وقالت:ـ “دى بتبقى جينات، وده بمعنى إن الدكتور عادةً ما يكون ابنه دكتور، وكذلك المحامى ابنه بيبقى زيه.. إشمعنا بقا في الفن بيقولوا مفهوش جينات وراثية”.
وأنهت شهيرة تصريحاتها وقالت:ـ “بالعكس ده الفن بيتوارث، وده علشان هى بتبقى جينات غصب عن أى شخص، وكمان الأبناء بيتأثروا بالجو المحيط بيهم، وده بالإضافة إلى إن ربنا خلق بداخلهم الجينات دى، لما بيبقى أبوهم وأُمهم وأغلب أُسرتهم.. بجد يعنى في انتشار”.
وجديراً بالذكر، بأن الفنانة شهيرة تحدثت مؤخراً مع القاهرة 24، عن فكرة المُقارنة بين عمل الفنان والموظف، حيث قالت:ـ “موظفين إيه؟.. لأ طبعاً في فرق كبير بتتكلموا إزاى، وإزاى يعنى شخص موهوب وعنده موهبة ربنا إدهاله، والناس كلها بتروح تتفرج عليه وبتتعلمى منوا ومن الأعمال اللى بيقدمها من خلال الدراما أو بتتبسطى، ولكن الموظف قاعد على مكتب وبيكتبله كلمتين ويروح وخلاص.. بجد إيه المقارنة الغريبة دى”.
