قامت الفنانة الجميلة شهيرة، بالتعليق على الهجوم الشديد التى تعرضت له المطربة شيرين عبدالوهاب، بعد سقوطها الأخير على مسرح الحفل الذى أُقيم لها مؤخراً بـ دبى، الأمر الذى عرضها لموجة من الانتقادات على السوشيال ميديا.
شهيرة رداً على مُهاجمى سقوط شيرين الأخير: «الست بتجاهد وبتحاول تسترد نفسها»
وقامت شهيرة، بنشر مجموعة من الصور لـ شيرين من حفلها الأخير، من خلال حسابها الرسمى على موقع التواصل الاجتماعى “فيس بوك”، وقالت:ـ “شوفوا بقى أنا عمري ما اتكلمت خالص عن أزمات الفنانة شيرين، وده علشان الحاجات دي شخصية، وبندعلها إن ربنا يخرجها منها على خير”.
وأضافت الفنانة:ـ “ولكن للأسف اضطريت إني اتدخل علشان اللي بيحصل ده كتير، وكلنا عارفين أزماتها اللي مرت بيها وهى بتحاول تجاهد وتخرج منها، وبتحاول تسترد نفسها وفنها وتاريخها الجميل واللي طالما اسعدتنا بيه، فـ ياريت محدش يقسوا عليها ولا يكسرها لمجرد إنها وقعت على المسرح، والموضوع ده حصل مع كتير.. نروح إحنا نجيب القديم والجديد؟.. بنتلكك ولا يه؟”.
وأنهت شهيرة حديثها وقالت:ـ “وفى النهاية شيرين انسانة تُخطئ وتُصيب زي كل الناس، وحقيقي هى من المطربات السوبر اللي يتعدوا على صوابع الإيد، ولا إنتوا عاوزين تخسروها.. هى دلوقتي في حاجة لجمهورها اللي بيحبها فمحدش يحبطها، وهى في أمس الحاجة للمساندة وبتقول ليكم أنا رجعت أهو لحضنكم، والمفروض علينا إننا نمد إيدنا ليها بالعطاء والحب، وده علشان هى ادتنا سنين طويلة من عمرها امتعتنا فيها بالفن الجميل، وياريت محدش يبخل عليها بيد المساندة والاحتواء، وعلى فكرة أنا عمري ما قابلتها شخصياً ولكن الموضوع مشاعر”.
وجديراً بالذكر، بأن المطربة شيرين عبدالوهاب تعرضت لموقف محرج أثناء احيائها حفلها الأخير بـ دبى، حيث أنها سقطت على المسرح أثناء غنائها أمام الجمهور، الأمر الذى جعلها تنفعل على منظمى الحفل بسبب تعثر قدمها بالسماعات الموجودة أعلى المسرح.
