شهيرة عن مُقارنة الفنانين بالموظفين: «موظفين إيه؟.. لأ طبعاً في فرق كبير بين شخص موهوب وشخص قاعد على مكتب»
قامت الفنانة الجميلة شهيرة زوجة الراحل محمود ياسين، بالتعليق على فكرة المُقارنة بين الموظف والفنان، وأكدت على أن هناك فرق كبير بينهما، وخصوصاً بأن الفنان يتمتع بموهبة كبيرة، الأمر الذى جعله يدخل الوسط الفنى، ولولا هذه الموهبة ما كان الفنان ليتمكن من العمل بهذا المجال، على عكس الموظف تماماً.
شهيرة عن مُقارنة الفنانين بالموظفين: «موظفين إيه؟.. لأ طبعاً في فرق كبير بين شخص موهوب وشخص قاعد على مكتب»
وأكدت الفنانة في تصريحاتها مع القاهرة 24، وقالت:ـ “موظفين إيه؟.. وإزاى يعنى شخص موهوب ربنا إداله موهبة، والناس كلها بتقف وتتفرج عليه وبتتعلم منه ومن الحاجات اللى بيقدمها من خلال الدراما، ولكن الموظف كل اللى بيعمله بيروح الشغل ويقعد على مكتبه وبيكتب له كلمتين ويروح، وحقيقى إيه المُقارنة الغربية دى؟.. لأ طبعاً في فرق كبير.. الناس بتتكلم إزاى”.
وتطرقت الفنانة خلال الحديث، بالكشف عن رأيها في تقديم السيرة الذاتية للراحل الشيخ الشعراوى، في عمل مسرحى على المسرح القومى، والتى أثارت الكثير من الجدل خلال الفترة الماضية، وعلقت قائلة:ـ “طب وماله إيه العيب في كده؟، وهى الناس عاوزة تعترض وبس كل شخص على حسب دماغه، ولكن الشيخ الشعراوى علامة ولن يتكرر، وممكن أوى يكون له أفكار متزمتة شوية، ولكن مش معنى ده إننا ننسى اللى قدمه ونقضى على كل العلم اللى عمله لينا، وكفاية تفسيره للقرآن الكريم، وكمان نظرته البعيدة في تفسير بين سطور الآيات.. بجد مش ممكن يتكرر”.
وأوضحت شهيرة، بأن محمود ياسين كان من مُحبى وعُشاق الشيخ الشعراوى، وكان حريصاً على مُشاهدة برامجه لتفسير القرأن، وعلقت قائلة:ـ “ممكن لو كان عايش دلوقتى مكنش هيغير طريقة التفكير في حاجة، ولكن ده مش هيمنع إنوا علامة بمعنى الكلمة، وكمان خط أحمر بالنسبة ليا، ومحمود ياسين الله يرحمه كان بيعشقه، وكان حريص على متابعة كافة برامجه وخطبة، وكنا حريصين أنا وجوزى على مُتابعته”.
