احتفل الإعلامي عمرو أديب ليلة أمس الجمعة بزفاف ابنه خالد، حفل الزفاف حضره الأهل والأقارب للعروسين، ووجه خلاله عمرو أديب كلمة من القلب لنجله عبر فيها عن بعض أحاسيسه في هذه المناسبة السعيدة.
حفل زفاف ابن عمرو اديب مصدر الصورة: موقع في الفن
الراجل اللي رعبني أن شعري هيقع
وقال عمرو أديب خلال كلمته عن خالد أديب ابنه “الرجل اللي طمني إن كل حاجة أنا عمري هحتاجها هتبقى موجودة، وفي نفس الوقت، الرجل اللي رعبني طول عمري إن شعري هيقع، وموقعش، سيداتي آنساتي.. أستاذ عمرو أديب”.
وتابع أديب “طبعا بداية غير جيدة وغير موفقة، إنه يتكلم عن شعري، هو كدة خسر نص الهدية ونص شهر العسل، ونص كل حاجة”.
مصدر الصورة: موقع لها Laha Magazen
ثم تحدث عمرو أديب عن عائلة أديب الشهيرة بقوله “عايز أقول لكم على حاجة مهمة، لو في ميزة في كل رجالة وأبناء عيلة أديب، إنها ناس طيبة جدا، يعني كلنا بشكل أو بآخر ممكن يبقى فينا عيوب الدنيا، لكن هتلقى البذرة اللي جوانا ناس طيبة وأميرة، عشان كدة أنا انهاردة بهدي ابني وهو أحد الطيبين في عيلة أديب، وشخص أمير جدا لمراته، فرح، وأقول لها حافظي على الطيبة دي، واستغليها لأنها أساس استكمال الحياة، احنا بقينا في عصر قليل فيه أوي الطيبين، لذلك أنا فخور جدا إني بنتمي للعيلة دي”.
مصدر الصورة: موقع في الفن
وأختتم الإعلامي الأغلى في الوطن العربي كلته بقوله “أشكر حضراتكم جدا على حضوركم، كان نفسي أعيط بس مش جاي معايا عياط، إنما هسيب لكم انتم العياط، وبشكر لكل حد جالنا في الظروف دي، وبقول له أنا بحبك يا ابني جدا جدا جدا جدا، وبحب فرح جدا جدا جدا، ونفسي يعملوا كل الحاجات اللي مقدرناش نعملها، طبعا محدش يقدر يعمل الحاجات اللي عملناها، أنا بشكركم وسعيد بكم، اليوم بشوف أهلي اللي بقالي كتير ماشوفتهمش”.
ويعتبر خالد أديب هو الابن الأكبر للإعلامي عمرو أديب من زوجته الأولى، بدء حياته المهنية من خلال تقديم عروض “ستاند أب كوميد”، ويشغل حاليا منصب المدير التنفيذي لشركة “GME”.
View this post on Instagram
