قال الفنان حسام حبيب، طليق الفنانة شيرين، إن شقيق طليقته لا يتحدث مع شقيقته منذ عامان، معقبا:” واحد مبيكلمش اخته من سنتان هيبقي فجأة كده قلبه عليها “.
وتابع “حبيب” خلال حديثه مع الاعلامي عمرو أديب ببرنامج “الحكاية”، المذاع على فضائية “ام بي سي مصر”، أن شقيق طليقته شيرين “سحل” أخته على الأرض، معقبا:” اقسم بالله اخوه دخل وهو شايل مطواه مفتوحة عليها على اخته وسحبها من بيتها”، معقبا:”شيرين استنجدت بيا وقالتلي الحقني ياحسام وانا حاولت اتفاهم معاه ولكن مفيش تفاهم”.
واستطرد حديثه:”انا حاولت امنعه من انه يشدها قدامي ويقولها انتي بتغيظي امك وانتي عاوزة ترجعيله وانا رديت عليه قولتله مش هنرجع لبعض اطمن”، معقبا:”شيرين كانت بتقوله انا اختك الكبيرة وعلاجتك “.
واوضح حسام حبيب:”انا اضربت ووقعت علي ضلوعي ومردتش اعمل محضر عشان مفضحش شيرين وبتوع المستشفي كتفوني وقالولي متدخلش انت”، واستطردت “حبيب “، حديثه :” انا فضلت واقف قدام المستشفي بعيط وقولت مستحيل دي تكون مستشفي “.
شقة التجمع
وكشف عن سبب تواجده مع شيرين عبدالوهاب في شقة التجمع:”انها طلبت منه الحضور للشقة من اجل حل كافة المشاكل بينهما وقالتلي انا هجيبلك حقك وارجعهولك وانا قولتلها ان المهم عندي انني اشوفك شيرين اللي اعرفها “، مؤكدا:” احنا لسه بنحب بعض ولكن للاسف العلاقة صعبة تكمل بسبب الناس اللي حوالينا الي مش عاوزينا نكون مع بعض وده اصعب علاقة “.
واكمل حديثه قائلا:” شيرين عيبها انها بتثق في الناس بسرعة وادت مفتاح شقة التجمع لواحدها اتعرفت عليها من اسبوعين وهي البنت دي اللي ادت المفتاح لاخو شيرين وعرفته اني موجود في الشقة في التوقيت ده مع شيرين وكان المخطط أكبر من كده والهدف منه “جريمة”.
وقال حسام حبيب قوله لعمرو أديب:” انا حاولت اهدي لمدة 4 ايام بعد الواقعة دي وانضربت واتبهدلت وخبيت عن امي اللي حصل..وانا محاولتش اروح المستشفي “.
وبقول لاخوها:” اتقي ربنا فيها وفيا والعيش والملح وانا هاخد ضده اجراء قاوني ومش هتنازل لانه خاض في عرضي وانا اخدت شتئائم بسببك “، ورد علي قول عمرو اديب ان شقيق شيرين عبدالوهاب انه هيطلب عمل تحليل له ليرد قائلا:” انا اعمل تحليل بمزاجي..هو يعملي تحليل ليه ؟! وانا مش خايف من حاجة “.
التسريب قديم
وتحدث عن حقيقة التسريب المنسوب إليه قائلا:”التسريب ده قديم وكان مكالمة مع واحد صاحبي ووقولتله انا خلاص علاقتي بشيرين انتهت وانا معرفش حد اسمه شيرين وده كان بعد الكلام اللي قالته عليا على الهواء وعمري ما غلطت في شيرين ولا ضربتها.
وعن علاقته مع والده قال:” ابويا كان بيضرني وطلبت منه ميدخلش ولا يقول اي كلام يضر علاقتي مع شيرين واكبر غلط في جوازتي مع شيرين ان اي حد ممكن يدخل في الجوازة دي والتدخلات وصلت ان الناس بتكلم معها يقولها هو مين اللي عندك في البيت..وانا حسيت اني مبقاش ليا لازمة ولازم امشي ولما كنت بمشي كانت بتزعل اوي مني وكلامها عني على الهواء كان إفيه من فيلم لعادل إمام”.
وتحدث عن علاقته ببنات شيرين قائلا:” هما كانوا بيحبوني ولكن فيه اللي لعب في دماغهم وفهمهم اني بضرب امهم وده مش صحيح وهما اتخدعوا من اللي حواليهم”.
