أثارت الفنانة المعروفة وفاء مكى، الكثير من الجدل خلال الساعات القليلة الماضية، بعد أن كشفت عن أنها تلقت جواب من الاعلامية ميار الببلاوى، وذلك أثناء فترة سجنها بعد الحكم عليها في قضية الخادمتين، حيث أنها أكدت بأن ميار كانت تنوى أن تشهد معها في قضيتها، ولكنها غادرت البلاد وانفصلت عن زوجها بعد سنتين من القضية.
وفاء مكى لـ ميار الببلاوى: «اقسم بالله بريئة وهاخد حقي منك بالقانون»
وأكد وفاء، من خلال تصريحات لها مع القاهرة 24 وقالت:ـ “جالي جواب من ميار وأنا في السجن من 23 سنة، وكان مكتوب بخط ايدها وأنها سوف تشهد معي وتقول الحق، ولكن ده محصلش وبعدها بحوالي سنتين وأنا في السجن سمعت من ناس إنها اتطلقت”.
وواصلت الفنانة:ـ “ليه مجتيش تشهدي بعدها يا ميار؟، وسكوتك طول مدة سجني سبب ليا ضرر كبير، ولكن ممكن تكون دي حكمة يعلمها الله مقدرش أتكلم فيها، وعلى فكرة أنا مكنتش أعرف بتصريحات ميار، وأُشهد الله على ذلك وعرفت بشهادتها زي أي حد”.
وتابعت وفاء:ـ “أُقسم بالله إني بريئة، وروحت المنوفية ودورت على القضية، وكمان روحت محكمة النقض ودورت على الأوراق الخاصة بالقضية، ومش بنام وبفحر في الصخر علشان أثبت براءتي، وإن شاء الله كل حاجة هتحصل هبلغ بيها الناس خطوة بخطوة”.
وأنهت وفاء مكى حديثها وقالت:ـ “هاخد حقي بالقانون، ومش هفرط في حقي مرة تانية، وشهادة ميار اللي خبتها هاخد حقي منها بالقانون، وأنا مش هعملها حاجة علشان هى صديقتي وأم اولاد زيي، ومش هرضى ضررها، ولكن ده ميمنعش إني زعلانة منها لأنها لو قالت الكلام ده من 23 سنة كان الوضع اختلف كتير”.
