أثارت الفنانة الجميلة رانيا يوسف، الكثير من الجدل خلال الساعات القليلة الماضية، بعد أن كشفت عن أنها ترفض وصفها بقيادة حملات للهجوم على الفنانة الجميلة نادية الجندى، وأن الأمر يتعلق ببعض الأمور والخلافات الشخصية وفقط.
رانيا يوسف منتقدة نادية الجندى: «نجمة شباك بفلوسها وعلاقتها وأنا مش من جمهورها»
وأكدت الفنانة، أثناء استضافتها ببرنامج “العرافة”، والتى تقوم بتقديمة الاعلامية المعروفة بسمة وهبة، والذى يُذاع من خلال فضائية “النهار”، وقالت: ربنا أعلم إيه اللى في القلوب وأعلم بالنوايا، وكل الى أقدر أقوله إن في حرب ضدى من تحت لتحت، وأنا لا أملك الذكاء الكافى لمثل هذا النوع من الحرب، ولما بحارب شخص ده بيكون على الملأ ومش بعرف أدارى”.
وتابعت رانيا:ـ “وحقيقى هى مش محتاحة تاخد ادوارى، وده علشان أنا مش في سنها وهى مش في سنى، ولكن على مستوى حياتى وحياة بناتى مكنتش عادلة في أشياء كتير، وجت عليا وعلى بناتى”.
وحينما سؤلت رانيا بخصوص تصريح سابق لها، عن أن الفنانة نادية الجندى ليس مقياس للنجومية، علقت قائلة:ـ “حقيقى هى نجمة شباك بفلوسها، وأول أعملها هى اللى أنتجتها بفلوسها، ومحمد مختار هو اللى أنتج لها وقبله عماد حمدى، ولكنى احترم فيها الاستمرار والإصرار”.
وأنهت الفنانة حديثها وقالت:ـ “وبجد في فرق كبير إنك توصلى للنجومية بالفلوس والعلاقات أو إنك توصلى بالموهبة والمجهود، وأنا لما كنت متجوزة من طليقها المنتج محمد مختار مستفدتش منه بحاجة، ومطلبتش منه إنوا ينتج ليا أى شغل لأنى بجد مكنتش حابة الموضوع ده، وعلى فكرة أنا مش من جمهور نادية الجندى”.
