أثارت الفنانة الجميلة رانيا يوسف، الكثير من الجدل خلال الساعات القليلة الماضية، بعد أن صرحت بأن بناتها مُتفتحين وهن يعشقن الملابس القصير ويُشجعونها على ذلك الأمر، وأيضاً تشجيعها على الدخول في تجارب مواعدة”dating” جديدة.
رانيا يوسف عن ملابسها: «بناتي هما اللي بيشجعوني ألبس قصير»
وأكدت الفنانة، أثناء استضافته ببرنامج “The blind data show” وقالت:ـ “بناتي هما اللي مشجعني علشان اجرب، ولو رايحة معاد وهقابل شخص هما اللي بيختاروا ليا ملابسي، وعلى فكرة بناتي مُتفتحين وبيحبوا أوي حاجة اسمها اللبس القصير، وبجد أنا بحب الحاجة اللي بتليق عليا”.
وتحدثت رانيا خلال اللقاء، عن الموقف الذى من الممكن أن يثير غيرتها أثناء أحد لقاءات المواعدة، حيث قالت:ـ “لو حسيت في مرة من المرات وأنا معاه إنه مش شايفني أو مش حاسس بيا وبوجودي، ده كفاية علشان يبوظ العلاقة أو الجوازة كلها”.
وتابعت الفنانة:ـ “وعلى فكرة ممكن أوي أشوف بنت جميلة وأبص عليها، ولكن بصة عن بصة تختلف كتير، وفي نظرة معينة من الراجل ممكن تخليني اسيبه وامشى على طول، ويمكن يكون ده السبب اللي بيخليني مكملش في علاقة”.
وأشارت رانيا، إلى أنها تواجه مشكلة مع الرجال من برج العقرب، وعلقت قائلة:ـ “جوزي الأخير كان برج العقرب، ومشكلة البرج ده معايا إنه غامض وبيكدب كتير، وأنا بعتبر كدبه نوع من الغموض”.
وجديراً بالذكر، بأن آخر اعمال الفنانة رانيا يوسف الدرامية مسلسل بعنوان “عالم تانى”، وشارك الفنانة بطولة العمل مجموعة كبيرة من نجوم الفن أبرزهم “فريال يوسف، ونضال الشافعى، وتميم عبده، ومروة عبدالمنعم، وحسام فارس، وسميرة صدقى، ومصطفى حشيش، وأيمن عزب، وصوفية، وإلهام عبدالبديع”، وغيرهم، والعمل من تأليف اسلام يوسف ومن إخراج عبدالعزيز حشاد.
