رانيا يوسف عن رفض خالد يوسف مشاركتها بـ “سره الباتع”: «محصلش وإحنا أصدقاء من زمان وفى بينا كل احترام»
كشفت الفنانة الجميلة رانيا يوسف، عن حقيقة رفض المخرج خالد يوسف مشاركتها في مسلسله الجديد “سره الباتع”، والذى من المقرر له أن يُعرض خلال شهر رمضان الحالى، وأشارت إلى أن خالد يوسف لم يرفضها وأن العمل لم يُعرض عليها وأنها لم تكن مرشحة لهذا المسلسل.
رانيا يوسف عن رفض خالد يوسف مشاركتها بـ "سره الباتع": «محصلش وإحنا أصدقاء من زمان وفى بينا كل احترام»
وأكدت الفنانة، أثناء استضافتها ببرنامج “حبر سرى”، والتى تقوم بتقديمة الاعلامية أسما ابراهيم، والذى يُذاع من خلال فضائية “القاهرة والناس”، وقالت:ـ “مسلسل سره الباتع متعرضش عليا من الأساس، ولا أنا كنت مرشحة للعمل ولا خالد يوسف رفض تواجدى، ولو كان إتعرض عليا دور كويس كنت هوافق، وأنا وخالد يوسف مكنش في بينا أى خلاف، وإحنا أصدقاء من زمان وبنسأل على بعض وبنحترم بعض، وحقيقى مايا بنته بعتبرها زى بناتى”.
وتحدثت رانيا خلال اللقاء، عن أُجور الأعمال الفنية وأنه لا يتم تحديدها على أساس الموهبة، وعلقت قائلة:ـ “فى فنانات أقل منى بكتير في الموهبة وبياخدوا أُجور أعلى.. الدنيا ماشية بالعكس وهما قدروا ينجحوا على السوشيال ميديا، وده لأنى هما وراهم فلوس وعلاقات ونجحوا، ولكن السوشيال ميديا بالنسبة ليا أمر جديد، والأجر بيتحدد على أساسها وعلى العلاقات وعمره ما إتحدد على أساس الموهبة، وبجد أنا طول عمرى بخاف من المال الكتير والشهرة الزيادة، وبحب الفلوس اللى تسترنى بس وتخلينى مش محتاجة لحد”.
وأنهت الفنانة حديثها، عن ابنتيها وأنها تتحمل مسؤوليتهما بالكامل حيث قالت:ـ “أُقر وأعترف وأبصم كمان بالعشرة إنى أنا اللى شايلة هم بناتى والمسؤولية كاملة، ومفيش شخص تانى غيرى بيصرف عليهم، ووالدهم هو اللى حابب يبقى بعيد عنهم، وحقيقى أنا تعبت من شيل الهم والمسؤولية، وكتير بقبل حاجات في شغلى مش عاوزاها علشان أوفى طلبات بناتى”.
