يعتبر أحمد مكى من رواد أغاني الراب العربي، هذا النوع من الغناء الجديد على المجتمع المصري والعربى عموما، يسعد نجوم مصرية أن تقدم لكم كلمات احدث اغانى الفنان أحمد مكى أغلى من الياقوت، يقدم مكى في أغنيته قصة أب يحكى اللحظات الفريدة التي يمر بها الأب منذ لحظة ميلاد إبنه حتى وفاة الأب من خلال وصية يوصى بها إبنه ويرجوه أن يتحمله في لحظات كبره وضعفه، ويعتبر مكى من نجوم الصف الأول في السينما، قدم في بداية مشواره الفنى العديد من الأعمال قام فيها بأدوار ثانوية، تميز من خلالها ليقوم بعد ذلك بأدوار البطولة فقدم العديد من الأفلام الناجحة، مثل لا تراجع ولا استسلام وسينما على بابا واتش دبور ومسلسلات مثل الكبير اوى وخلصانة بشياكة، كما قام بإخراج فلم الحاسة السابعة بطولة أحمد الفيشاوى ورانيا الكوردى، الا انه لم يحقق نجاحا كبير.
اغلى من الياقوت اغنية أحمد مكى الجديدة
كما قدم العديد من أغانى الراب الشهيرة، مثل قطر الحياة ووقفة ناصية زمان وأخرة الشقاوة، ابتعد مكى منذ فترة عن الساحة الفنية بعد إصابته بمرض نادر أقعده عن العمل خلالها وبعد أن تم شفائه قدم العديد من الاعمال الا انه لم يقدم فلم سينمائى جديد منذ شفائه، إشتهر مكى بتنوع الشخصيات التي يقدمها في أفلامه فقدم العديد من الشخصيات وخصوصا في فلمه الكوميدى المأخوذ عن احد الافلام الاجنية فلم “طير انت” والآن ندعوكم للاستمتاع بكلمات اخر اغانيه اغلى من الياقوت.
يوم ميلادك يوم مالدنيا انت جيت
أول علاقتى بيك صوتك مبينى وبينك حيط
سمعت صوتك استغربت اتلخبط اتشديت
قلبى اتنفض ما بين ضلوعى ومن الفرحة بكيت
أول ما شوفتك الدنيا لفت بيا
ربى حبني ووهبى من عنده هدية
سرحت فيك ساعات فيك منى كتير حاجات
يا رب تاخد منى بس الحلو اللى في الصفات
وفي وسط زحمة فرحتى فاجأة هجم سكات
مخلوط صور ابيض في اسود من اللى عيشته ومن اللى فات
يمكن عشان الضلمة في طفولتى كانت اكتر من النور
عيل صغير قال بسم الله وقام يعدى في بحور
مش شايف شط أو مينا لأخر البصر مفيش امل
كان نفسى في حد يعلمنى وينصحنى ويبقإلى المثل
ربك حمانى واتولانى برحمته مفيش جدل
بعد ما كل سكة اتسدت واسودت والباب قفل
يا رب يا كريم اهدينى وقوينى ووفقنى
لسكة تربيته على الشئ السليم
عارف انى مش مثالى
بس طمعان في كرمك تخلى حاله احسن من حالى
وانا اوعدك يا رب هحاول ابقى احسن اب
واديه اللى ما شوفته في نهر طفولتى اللى نضب
كل يوم بيعدى واشوفك فيه بتكبر
بتفاجئ أن طفولتى بتظهر فيك اكتر واكتر
ابتسامتى وضحكتى والمشى وحتى تكشرتى
حتى نومتك رجل فوق رجل دى نسخة من نومتى
قبل وجودك الدنيا ماكتش فارقه معايا
قلبي ده كان قلب حجر دى مش كفاية
جلدى تخن من قسوة الدنيا ومن مر الحكاية
بقيت زعلان على الشخص اللى شايفه في المرايا
لحد ما انت جيت غيرتنى وكنت الهدائة
فتحت بايدك كل ابواب الرحمة جوايا
لما بحضنك واحس بدقة قلبى جنب قلبك
مية في المية ما حبتش في الدنيا قدك
لما بحضر أول مرة ليك في اى حاجة
قلبى بيرفرف واحس بألف حاجه وحاجه
احساس غريب جزء منى اتحول انسان
بيزعل وبيفرح وبيزرع جوايا الحنان
خايف عليك من الدنيا يا ابنى ملهاش امان
وبدعى ربنا يحميك ويصونك هو الرحمن
كتبت رسالة ليك عشان لو قدرى حان
ومش مكتوب اكون جنبك لأخر الامتحان
عايزك تكون صاحب عزيمة فولاذ حديد
مهما الدنيا تحبطك صمم خليك عنيد
خليك واثق في نفسك عن حلمك اياك تحيد
مهما اسود الليل وطال هيطلع فجر جديد
عاوزك لربك شاكر ولجهد الناس تقدر
واوعى تظلم مهما كنت قادر ربك هو الاقدر
اوعى تفضح اى انسان لو ربك ستر
كما تدين تدان متضمنش القدر
لو قولت كلمة حق والناس قامت عليك
كأنهم قالولك مبروك تسلم ايديك
عشان الكلب الميت ضرب مش مطلوب
لكن لو كان شجر مثمر بيتحدف بالطوب
لو يوم ذنوبك تقلت ارجع لربك توب
ربك لو حبك هيحبب فيك كل القلوب
ساعات بسرح واسأل نفسى والدماغ تفكر
يا ترى هتبقى فعلا ظهرى لما اكبر
لما العجز يبدأ ينهش فيا ويجور عليا
في عز احساسي بضعفي هيكون قلبك عليا
لما اللسان يتقل والكلام يصبح بطئ
واعيد نفس الكلام اكتر من مرة ارجوك تطيق
ياما طلبت منى اعيد حكى الحدوتة كتير
وفي كل مرة كنت اعيدلك قلبى كان بيطير
لما تلاقينى قدمت ومش مواكب عقل جيلك
متركنيش في جهلى علمنى من غير ما اجيلك
خليك عنيا نورلى طريقى لمنتهاة
وافتكر انى من علمك معنى الحياة
لما ابطل اقدر امشى لوحدى خطوتين
لما اكون اضعف من انى اقدر اشرب من غير معين
لما تموت الذاكرة وبالعافية اعرف انت مين
وجودك جنبى كفاية لحد ما يجيلى اليقين
كلمتين هقولهم عندى اغلى من الياقوت
كنت معاك يوم ولادتك عايزك جنبى يوم ما اموت
كنت معاك يوم ولادتك عايزك جنبى يوم ما اموت