حسن شاكوش رداً على تصريحات طليقته: «اللي عاوز أقوله طليقها طلع وقاله»

قام المطرب الشعبي المعروف حسن شاكوش، بالكشف عن كواليس أزمته مع طليقته ريم طارق، موضحاً بأنه رفض الحديث عن أزمته طوال الفترة الماضية، ولكن ما سمعه في حقه لا يُرضي أحد، مؤكداً بأنه يرفض الظهور في برامج تليفزيونية حتى يتكلم عن تلك الأزمة.

حسن شاكوش رداً على تصريحات طليقته: «اللي عاوز أقوله طليقها طلع وقاله»

وأكد الفنان، خلال فيديو نشره عبر حسابه الرسمي على موقع التواصل الإجتماعي “فيس بوك”،:ـ “اتعرض عليا أظهر في أكتر من برنامج علشان أرد على تصريحات طليقتي ولكني رفضت، وقولت صعب أوي أتكلم عن واحدة كانت مراتي أو مش مراتي، وأنا طول عمري ما جبت سيرة بنت أو غلطت في حق واحدة، وبجد عارف كويس يعني إيه المرأة المصرية وشرفها، ولكن زي الست ما ليها كرامة وشرف برده الراجل ليه شرف وكرامة”.

وواصل:ـ “أنا إتجوزت من ريم 55 يوم بس، والكلام اللي كنت عاوز أقوله وأتكلم عنه طليقها السابق طلع وقاله، فأنا هطلع أقول إيه وأحكي في إيه تاني؟.. الكلام اللي عاوز أقوله للجمهور خلاص وصل”.

وتابع شاكوش:ـ “أنا إتربيت في منطقة شعبية وأصلي صعيدي، وعدم كلامي مش خوف ولا ضعف ولكن ده عشان الإنسانية، والست دي كانت مراتي وما ينفعش أتكلم عنها في حاجة تمسها أو تمسني مهما حصل، وده علشان لو قولت حاجة عنها هتعود عليا لأنها في يوم من الأيام كانت مراتي”.

وأنهى حديثه:ـ “وبالرغم من أبشع الألفاظ والشتيمة اللي اتقالت عليا أنا وأهلي على السوشيال ميديا، إلا إني طلبت من اهلي إنهم يسكتوا ومحدش يرد، وطول الفترة اللي فاتت كنت عايش تحت ضغط عصبي، وفي عز أزمتي ومشاكلي متكلمتش ولا قولت عنها حاجة خالص”.