كشف المطرب الشعبي المعروف حسن شاكوش، كواليس من أزمته الأخيرة مع زوجته ريم طارق، والتي وصلت إلى المحكمة، وأشار بأنها من بولاق الدكرور ويعلم جيداً كيف يُحافظ على بنات الناس.
حسن شاكوش عن أزمته مع زوجته: «أنا من بولاق الدكرور وأعرف أحافظ كويس على بنات الناس»
وأكد الفنان، من خلال تصريحات له على هامش حفله الذي أُقيم بالساحل الشمالي، موجهاً رسالة للجمهور:ـ “معلش تعبتكم معايا الفترة اللي فاتت على مواقع التواصل، والكلام الكتير اللي إتقال واني اتجوزت وطلقت وطبعاً مفيش حد فاهم حاجة، وبجد كل الكلام اللي بيتقال عليا إشاعة.. انتوا عارفين إني من بولاق الدكرور وإتعلمت كويس إزاي أحافظ على بنات الناس، وده بالرغم من إني كنت داخل بقلبي ونيتي كويسة بس هقول إيه”.
ومن جانبه، فقد قام الفنان حسن شاكوش بإحياء أُولى حفلاته بعيد الأضحى المبارك، على أحد الشواطئ الخاصة بالسيدات في مارينا، وسط حضور كبير من جمهور ومُحبي الفنان، وقدم حسن مجموعة كبيرة من أشهر أغانيه أبرزها “بنت الجيران، وحنيلي، وبسكوتاية”، وغيرها الكثير من الأغاني.
وجديراً بالذكر، بأن المطرب الشعبي حسن شاكوش علق في وقت سابق عن أزمته مع زوجته بنت الجيران ريم طارق، بعد أن قامت بتحرير محضر ضده بقسم الشرطة وإتهمته بالإستيلاء على شبكتها ومنقولاتها الزوجية وشيك مقابل مؤخر صداقها، وكتب منشور من خلال حسابه الرسمي على موقع التواصل الإجتماعي “انستجرام”، قائلاً:ـ “الحمد لله والشكر ليك يارب على كل حال، وبجد الفترة اللي عدت شاركنا معاكم مشاكل وازمات كتيرة”.
وواصل الفنان:ـ “والمفروض إن مفيش حد يعرف حاجة عنها، وده علشان مفيش حد شاف حاجة منها، وأنا برضوا هفضل مصمم على قراري ومش هتكلم في أي تفاصيل، وده حتى لو سمعت أي إساءة أو تجريح، وفي النهاية كل واحد فينا هيتسأل أمام ربنا على الكلام اللي بيقوله”.
