أثار المطرب الشعبي المعروف حسن شاكوش، الكثير من الجدل خلال الساعات القليلة الماضية، بعدما نشر مقطع فيديو عبر حسابه الرسمي على موقع التواصل الإجتماعي “فيس بوك”، وذلك رداً على قرار تمكين زوجته ريم طارق منزل الزوجية.
"إحنا جامدين ومفيش إلا إحنا".. حسن شاكوش يُعلق على قرار تمكين زوجته منزل الزوجية
وأكد الفنان خلال الفيديو:ـ “بجد مش هطول عليكم، والفيديو ده من قلب البيت عندي، وأنا عندي في البيت وموجود معايا أمي وإخواتي مشرفني ومنورني، وهما مش بيجيوا عندي كتير ولما بيجوا بيكون يوم عيد عندي، وأنا حبيت بس أطمنكم إن مفيش حاجة حصلت وإحنا جامدين ومفيش إلا إحنا، وأنا عندي حفلة بالليل ومُنتظر كل حبايبي اللي جايين ليا في المعادي”.
وواصل:ـ “والحمد لله، الواحد لا تربيته ولا اخلاقه تسمح إنه يبهدل بنات الناس أو يجرحهم بأي كلمة وحشة، وده لأن الست أو البنت لو حد بص ليها بصة مش كويسة بتزعلها أوي، وبجد أنا أهلي مربونيش على كده، وعمري في حياتي ما زعلت حد مني ولا عملت مشاكل مع أي شخص، والكلام اللي بيتقال عليا هدفه التشهير، وإن شكلي يكون وحش أمام جمهوري ولكن ربنا مش على مزاج حد”.
وأضاف الفنان:ـ “ربنا هو اللي بيعزز الواحد منا وبيخلي له قيمة وسط الناس، والواحد منا لما بيقع في ضيقه بيقول يارب مش يا عبد، وأنا دلوقتي موجود في بيتي وأهلي منورني، ومش هينفع أتكلم أكتر من كده علشان في مسجد جنب بيتي وبعد كلام ربنا سبحانه وتعالى مفيش كلام تاني يتقال”.
وأنهى شاكوش:ـ “وحقيقي سعيد إني إتكلمت معاكم، وفيه شغل مع عمر كمال وهقدم أغنية اسمها (دي حلوة)، والشخص اللي عاوز يفهم يفهم، وده عشان الفاهم بيريج لأن تربيتي وأسلوبي ميسمحوش ليا إني أهين بنات الناس أو أشهر بيهم، ومش هوضح أكتر من كده والناس كلها شايفة وعارفة كل حاجة، وفي النهاية الظالم وابن الحرام ربنا ينتقم منه بميدان عام”.
