قامت الفنانة سمية الخشاب، بالتحدث عن عيد الحب، وأشات إلى أنها تمتاز بالعقلانية والرومانسية في وقت واحد، وأوضحت بأن عقلها دائما ً ما يتدخل في الوقت المناسب.
سمية الخشاب لـ السيدات: «إدلعى وانبسطى ولو عرفتى الباسورد بتاع جوزك مش هتستفيدى حاجة»
وأكدت الفنانة، أثناء مداخلة هاتفية مع الاعلامية سهير جودة، والتى تقوم بتقديم برنامج “الستات”، والذى يُذاع من خلال فضائية “النهار”، قائلة:ـ “أنا شخصية عقلانية ورمانسية، وعلى طول عقلى بيشتغل في الوقت المناسب، ولما أحس إنى عقلى لازم يكون موجود بخليه يتدخل وبصدقه وبضرب له تعظيم سلام، وبجد بحمد ربنا إن عقلى إتدخل كتير، وده السبب اللى مخلينى لسه موجودة على قيد الحياة، وده بعد النضج لأنى مكنتش كده”.
وتابعت الفنانة:ـ “أنا برج الميزان، والمعروف إنهم عطائيين أوى ونحانيح في الحب وبيعشقوا الرومانسية، واللى بيعرفوا في الأبراج عارفين إن البرج ده عطاء أوى وبيحاول جاهداً إنوا يسعد حبيبه حتى ولو على حساب نفسه، ولكن لما يجى يحس إن الشخص ده مش بيبادلوا نفس الشعور بيقلب وبيبقى حاجة تزعل، وأنا دايماً عقلى بيدخل في الوقت المناسب، وبيقول لنفسى لازم تُقفى”.
وأوضحت سمية، بأنها لا تعترف بعيد الحب وقالت:ـ “مش بعترف بعيد الحب، وإنوا يكون في يوم محدد للحب، وده علشان اللى بيحب شخص بيحبه على طول، وبيهتم بيه طول الوقت ولما بيلاقى حاجة حلوة بيشتريها له، وحقيقى الهدية ساعتها هيكون ليها طعم تانى أحلى بكتير، وخصوصاً الستات علشان بتحب الهدايا”.
وقامت الفنانة، بتوجيه نصيحة للسيدات قائلة:ـ “متوقفيش سعادتك على شخص معين، وإدلعى وانبسطى وحبى نفسك على الآخر، ولو عرفتى الباسورد بتاع جوزك مش هتستفيدى حاجة، وهو لو عاوز يعمل حاجة هيعملها، وليه تشغلى نفسك.. الحب مش بيجى بالشكل ده”.
وأنهت الفنانة:ـ “إنتى كده بتضيعى طاقتك وبتتعسى نفسك، وبعدها يجيلك سكر وضغط وتتخنى، ويكون أحسن لما تتفرجى على فيلم حلو أو تعملى ماسك وتهتمى بجمالك، وكمان تشترى حاجات وتخترعى حاجات تبسط.. إعملى طابخة حلوة، وحقيقى أنا بحب نفسى أوى وبمتن لربنا، وبعمل ماسك وبلعب بالقطة بتاعتى”.
.
