أثارت المطربة الجميلة شيرين عبدالوهاب، الكثير من الجدل خلال الساعات القليلة الماضية، بعد أن ظهرت في ملهى ليلى بـ “بيروت”، وهى تقوم بالرقص بشكل هستيرى برفقة زوجها الفنان حسام حبيب وابنتها، حيث أكد الكثير على أنها لم تكن في وعيها.
بعد رقصها بشكل هستيرى.. أول تحرك من الموسيقين ضد شيرين عبدالوهاب
وقام المُتحدث الرسمى لنقابة المهن الموسيقية الدكتور محمد عبدالله، بالتواصل مع القاهرة 24، لمعرفة وضع المطربة الحالى، وعلق قائلاً:ـ “عرفنا إن الفنانة شيرين رقصت بشكل هستيرى في أحد الملاهى الليلية بلبنان، ولكن للأسف إحنا زينا زى الجمهور مش هنقدر نعمل حاجة ولا نقدر نوقفها ونحولها للتحقيق، وده عشان المحامى الخاص بها هيقول إنها مكنتش على مسرح وبتأدى فقرة غنائية، وده سلوك الفنانة الشخصى والنقابة مش هتقدر تعاقبها على كده”.
وتابع الدكتور:ـ “ولو الفنانة شيرين كانت على المسرح وبتأدى فقرة غنائية وعملت سلوك زى ده وهى تابعة للنقابة، في الوقت ده كنا هناخد ضدها قرار بالمنع، ولكن إحنا مش أوصيا عليها ومن الآخر عقاب الجمهور بيكون أقسى بكثير من أى قرار النقابة ممكن تاخده، وبجد لما الجمهور بينتقد الفنان بيزعل أوى، وده بيكون عكس قرار النقابة فترة وبينتهى والحياة بترجع زى الأول عادى”.
وجديراً بالذكر، بأن شيرين عبدالوهاب تصدرت محركات البحث على جوجل ومواقع التواصل الاجتماعى، بعد أن ظهرت في فيديو مُتداول بملهى ليلى في بيروت، وهى تقوم بالرقص بصورة مجنونة على أنغام أُغنيتها “آه يالليل” برفقة زوجها وابنتها، الأمر الذى عرضها للهجوم من قِبل الجمهور والذى أكد على عدم إتزانها، كما سبق وتعرضت للكثير من الإنتقادات بعد أن أعلنت عن حفلها بدولة الكويت، والذى من المقرر إقامته يوم 12 من شهر يناير القادم، بعد عودتها لطليقها التى إختلفت معه لفترة طويلة.
أكيد العيب على اللوح اللي قاعد جنبها، هتعمل ايه النقابة في حد قاعد جنبه المسؤول عن تربيته وتهذيبه وما قلوش عيب؟
انا موسيقار وشيرين خلاص انتهت فنيا وجوزها ده الى مالوش لازمة وانا مش فاهم فنان ف ايه اصلا متمسك بيها لحد مافلوسها تخلص بعدين حايرميها