كشفت الفنانة المُعتزلة شمس البارودى، عن السبب الحقيقى وراء عدم حضورها جنازة ابن عمها والد الفنانة الجميلة ريم البارودى، والذى تم تشييع جثمانه إلى مأواه الأخير من مسجد السلام بمدينة نصر، أمس عقب صلاة الظهر.
شمس البارودى غابت عن جنازة نجل عمها ووالد ريم البارودى لهذا السبب
وأكدت المُعتزلة شمس، في تصريحات لها مع القاهرة 24 وقالت:ـ “أنا مش بروح أماكن عامة لأن بيكون فيها كاميرات مُتطفلة وتصوير، وده بمعنى إن أخويا شقيقى تُوفى منذ أقل من عام وكانت الدفنة والعزاء في البيت، وأنا مرحتش المسجد علشان الكاميرات المُتطفلة، وده علشان أنا بشوف على الفيس بوك اللى بيحصل، وأنا مش بحب الحاجات دى وبعتبرها حرام، وأنا عرفت ابن وبنت أخويا إنى مش هحضر الجنازة وقلتلهم على السبب وهما تقبلوا الأمر”.
وأوضحت الفنانة، بأنها قامت بالتواصل بصورة شخصية مع الفنانة ريم البارودى لكى تُعزيها في وفاة والدها، وعلقت قائلة:ـ “طبعاً إتواصلت مع بنت ابن عمى ريم، وإحنا عائلة البارودى عاملين جروب على الواتس أب، وده علشان إحنا مش عايشين في مكان قريب من بعض وفى منا اللى عايش في كندا وسويسرا وسوريا، وأنا إتواصلت معاهم بالتليفون بصورة شخصية، وكمان إحدى شقيقاتى غير معروفة حضرت الجنازة، ولكن أنا مروحتش علشان الكاميرات”.
وجديراً بالذكر، بأن الفنانة شمس البارودى غابت عن جنازة ابن عمها والد الفنانة ريم البارودى، والذى تُوفى أول أمس وتم تشيع الجنازة أمس عقب صلاة الظهر من مسجد السلام بمدينة نصر، حيث تم دفن الجثمان بمقابر الوفاء والأمل، وأعلنت ريم عن أنها ستسقبل العزاء في والدها يوم السبت القادم بمسجد الصديق بمنطقة مساكن الشيراتون.
