كشف نقيب الموسيقين المطرب مصطفى كامل، عن تفاصيل حصول الكثير من مطربى المهرجانات على كارنيهات النقابة، وذلك أثناء الفترة التى تولى فيها الفنان هانى شاكر رئاسة النقابة.
مصطفى كامل لـ منتقديه: فلوس النقابة للنقابة مش لبيت العيلة فوقوا بقا
وقام نقيب الموسيقين، بمشاركة مُتابعية وجمهوره من خلال صفحته الرسمية على موقع التواصل الاجتماعى “فيس بوك”، بنشر مجموعة من الصور لمطربى المهرجانات الحاصلين على كارنيهات النقابة خلال فترة تولى الفنان هانى شاكر، وعلق قائلاً:ـ “حابب أوجه رسالة لكل المغيبين أو اللى مش فاهمين.. كل الناس دى إتعملها كارنيهات قبل أن أتولى رئاسة النقابة”.
وأضاف النقيب:ـ “بس الواضح دلوقتى إنى بقيت بدخل فلوس النقابة للنقابة، وكمان فلوس اليتامى لليتامى، وده مش زى الأول فلوس النقابة كانت بتدخل بيت العيلة.. ياريت الناس تفوق بقا”.
وجديراً بالذكر، بأن الفنان مصطفى كامل صرح أثناء اجتماع أقامته نقابة المهن الموسيقية خلال الفترة الماضية لتقنين أوضاع مطربى الراب، وأنه لا رجوع في الحفاظ على سوق العمل، وذلك من خلال تعاون مطربى الراب مع الفرق الموسيقية.
وقام نقيب الموسيقين، بتوجيه رسالة إلى مطربى الراب وقال:ـ “ليه نؤذى قطاع كبير فيه موسيقيين مصر؟، وكمان موهبتهم زى موهبتكم وعاوزين يعيشوا ويكسبوا، وكلهم بيشتغلوا على ألات محترمة.. هو ده يرضى حد؟.. الاعتراف بالخطأ من شيم الرجال”.
وأنهى كامل رسالته وقال:ـ “أنا لم أكن أستمتع بفن الراب ومش منتمى له، ولكن أولادى بيحبوكم، وإحنا كمان عاوزين نحبكم وتحبونا ونحب بلدنا وأولاد بلدنا.. إنتوا شباب زى الفل، ودلوقتى كل الأجيال بتحبكم وإحنا بنحترم الفن الحديث لكن لازم يكون تحت ضوابط معينة، وأنا من حوالى 3 أيام مش عارف أنام، وياريت تبطلوا تقولوا للفانز بتاعكم يشتمونا عيب”.
