صرحت الفنانة الجميلة إنجى المقدم، بأنها تتمنى أن تقوم بتقديم القضية النسوية من خلال عمل فنى، وأشارت إلى أنها تتمنى أن تقوم بالحديث عن دور السيدات داخل البيت الكثيرة جداً في الوقت الحالى.
إنجى المقدم: «ليه الست شايلة مسؤولية البيت لوحدها والراجل يروح من الشغل يقعد على الكنبة؟»
وأكدت الفنانة، أثناء استضافتها ببرنامج “حبر سرى”، والتى تقوم بتقديمة الاعلامية أسما ابراهيم، والذى يُذاع من خلال فضائية “القاهرة والناس”، وقالت:ـ “ليه في وقتنا الحالى ستات كتير بتشيل المسؤولية لوحدها أكتر من الرجالة، والست هى اللى بتربى وتشيل البيت والأولاد والتمارين والأكل وشغل البيت وكل حاجة لوحدها”.
وأضافت الفنانة:ـ “والراجل كل اللى عليه إنوا يروح الشغل، ولما يرجع يقعد على الكنبة وخلاص.. فين المشاركة؟.. فين إن دى أُسرة وحياة وتعاون، والأولاد هما أولاده زى ما هما أولادها، ولا الكلام ده مش صحيح؟”.
وتابعت إنجى:ـ “عاوزة أعرف ليه الست شايلة كل المسؤولية دى لوحدها؟، والظاهرة دى شايفاها دلوقتى في مُختلف المستويات الاجتماعية، وكمان بتتكرر كتير أوى، وبجد حابة أطرح القضية دى أمام الجميع”.
وجديراً بالذكر، بأن آخر أعمال الفنانة إنجى المقدم الدرامية مسلسل بعنوان “راجعين يا هوى”، والذى تم عرضه في السباق الرمضانى للعام الماضى 2022، وقامت إنجى بتقديم دور “سلوى”.
وشارك الفنانة بطولة المسلسل الكثير من نجوم الفن أبرزهم “نور اللبنانية، وهنا شيحة، وخالد النبوى، وجلا هشام، وإسلام ابراهيم، وهلا السعيد، ومصطفى غريب، وعمرو مهدى، ونور خالد النبوى، وطارق عبدالعزيز، وسلوى محمد على، وهناء الشوربجى، وعبير منير، وشريف حافظ، وإسلام جمال، ووفاء عامر، وأحمد بدير، وأنوشكا”، وغيرهم والعمل من تأليف أسامة انور عكاشة، وسيناريو وحوار محمد سليمان عبدالمالك ومن إخراج محمد سلامة.
