صرحت الراقصة المعروفة دينا، بأنها لم ترقص بالملاهى الليلية، وأكدت بأنها لا تستطيع أن ترقص في الحارات الشعبية، وعللت السبب في أن موهبتها أرقى وأسمى من أن ترقص في مثل هذه المناطق على حسب تصريحاتها.
الراقصة دينا: «مش بعرف أرقص في كبارية لأن الفن اللى بقدمه أرقى وأسمى»
وأكدت الفنانة، من خلال تصريحات تليفزيونية وقالت:ـ “صعب أوى أرقص في حارة شعبية، ومش بعرف أرقص في الأماكن اللى زى دى، وكمان عمرى ما رقصت في كبارية.. إزاى أرقص في الشارع، وده علشان أنا بشوف الفن اللى بقدمة أكثر إحتراماً ومكانة.. مش في المناطق اللى زى دى”.
وأما عن رقصها بأحد الأماكن الشعبية من أجل أحد مُتابعيها أو معجبيها، علقت دينا وقالت:ـ “ممكن أوى أروح أبارك له بس.. ولكن أرقص وكده مستحيل، وأنا بحب الناس فعلاً بس مش ممكن أحب حد أكتر من نفسى”.
وكشفت الراقصة دينا في وقت سابق، عن كواليس من حياتها الشخصية، وعن السبب في إتجاهها للرقص الشرقى، وأكدت في تصريحات لها من خلال موقع تبادل الصور والفيديوهات على “انستجرام”، بأنها لم تعمل بهذا المجال من أجل المال، وأنها من عائلة غنية جداً، وأشارت إلى أنها كانت موهوبة بالرقص منذ أن كانت في سن الـ 9.
وعلقت قائلة:ـ “حبيت الرقص الشرقى من وأنا عندى 9 سنوات، وكمان المدرسة اللى كنت بدرس فيها كان فيها مزيكا ورقص، وكمان الراقصة (أوكسانا) اتعلمت على إيدى، وأنا جبتها من ضمن الـ 27 راقصة اللى حضروا معايا من برا مصر، وأنا إتولدت في إيطاليا وبعتبرها بلدى الثانى بعد مصر، وبجد معنديش جنسيات أخرى غير المصرية”.
