قامت الراقصة المعروفة دينا، بالكشف عن عدد زيجاتها وأنها تزوجت 9 مرات، وأشارت إلى أن هذا الرقم بالنسبة لها قليل، وأكدت بأن الراحلة تحية كاريوكا تزوجت 13 مرة في حياتها.
دينا: «إتجوزت 9 مرات والرقم ده قليل بالنسبة لـ تحية كاريوكا»
وعلقت الفنانة، أثناء استضافتها ببرنامج “كلمة أخيرة”، والتى تقوم بتقديمة الاعلامية لميس الحديدى، والذى يُذاع من خلال فضائية “on”، وقالت:ـ “إتجوزت 9 مرات والرقم ده قليل، وده علشان الفنانة الراحلة تحية كاريوكا إتجوزت 13 مرة، وأنا بنافسها في عدد الزيجات”.
وتحدثت الفنانة خلال اللقاء، عن مدة أقل زيجة لها في حياتها وقالت:ـ “أقل زيجة قعدت حوالى سنة، وأما أكتر زيجة قعدت 5 سنوات وشوية، ولكن جوزى سامح ربنا أراد إنى أفضل معاه سنتين بس، وأكتر واحد حبيته شخص مش معروف، ولكن مكملناش علشان ظروف شغلى اللى كانت صعبة أوى”.
وأوضحت الفنانة، بأنها إنفصلت عن أغلب أزواجها بسبب مهنة الرقص، وأكدت بأنها تعشق مهنة الرقص وتفضلها على الحياة، وعلقت قائلة:ـ “ببحب مهنة الرقص أكتر من نفسى وببديها على الحياة ودى وجهة نظرى ومش ممكن أغيرها”.
وأضافت دينا:ـ “ولو أنا إتنازلت عن حاجة بحبها هطلب في المقابل حاجات كتير أوى مفيش حد هيقدر ينفذها، وبجد حرام إنى أظلم حد وأطلب منه يعوضى وهو مش هيعرف يعوضنى، وأنا لو سيبت الرقص مش هبقى دينا، وهبقى واحدة مكسورة ومتاخد منها حاجة بتحبها أوى”.
وتابعت الفنانة:ـ “وأنا من غير الرقص زى الأم اللى إتاخد منها إبنها، وحقيقى مفيش حد هيعرف يعوضنى عنه، وأنا حابة أوجه رسالتين مهمين قبل الزواج، وهما أول حاجة مش هسيب مهنتى أبداً، وتانى حاجة لما تزهق ما تبصش لحد تعالى وقولى وأنا همشى وخلاص”.
وأنهت الفنانة حديثها، بالكشف عن أنها تعرضت للخيانة من قبل، حيث قالت:ـ “إتخنت كتير، وده علشان مكنتش فاضية وشغلى كان بيبدأ من 9 بالليل لحد 6 الصبح، وبجد الراجل اللى يستحمل ست بتشتغل في التوقيت ده ياخد جايزة نوبل”.
