ياسمين عز: الراجل بيشتغل ويشقى عشان يقدر يتجوزك.. وانتي بتشتغلي عشان تستقلي وتقدري تسيبيه في أي لحظة
تحدثت الإعلامية ياسمين عز، في أحدث حلقات برنامجها “كلام الناس” الذي يعرض عبر قناة “MBC مصر” عن الظلم الذي يتعرض له الرجل في حياته.
ياسمين عز: الراجل بيشتغل ويشقى عشان يقدر يتجوزك.. وانتي بتشتغلي عشان تستقلي وتقدري تسيبيه في أي لحظة
حيث قالت: “بقالنا فترة كده الموضوع ده شاغل بالي وشاغل بال ناس كتير الراجل المحترم يشتغل ويشقى عشان يقدر يتجوزك وانتي بتشتغلي عشان تستقلي وتقدري تسيبيه في أي لحظة.. شوفي الفرق.. ظلم يا راجل”.
وأضافت: “أشوف الشاب.. شاب فنان.. شاب إنسان.. بيشتغل يحفر في الصخر.. يسهر الليالي.. يتعب.. يطبق.. يشتغل ورديتين.. يتعب يشيل الهم هم الدنيا على كتافه اللي هي أصلًا بالدنيا عشان يجمع فلوس ويقدر يتجوزك.. أو لو متجوزك بالفعل يشتغل بالفعل عشان يجمع فلوس ويقدر يعيشك”.
وتابعت: “انتي بقى أشوفك بتشتغلي عشان تجمعي فلوس علشان تسيبيه في أقرب لحظة.. انتي بقى ماشية ورا مين؟ ماشية ورا كلام بعض الجهلاء اللي يقولولك اشتغلي واعملي فلوس عشان ما تتجوزيش وتستقلي.. واشتغلي واعملي فلوس عشان تقدري تسيبيه.. انتي مفكره الدنيا من غيره حلوة؟ سواد.. مرار.. حزن.. اشتغلتي واستقليتي وعملتي فلوس.. تقدري تشتري جهاز تدوسي ع الزرار بقى يوقف عمرك عند الشباب وتقولي بقى الله أنا حلوة ومستقلة وقاعدة في البيت وبشتغل ومعايا فلوس.. اشتري لو تعرفي وعرفينا بيتباع فين أو اخترعيه”.
