نشر الفنان والمطرب تامر حسني صورة من مقطع فيديو ظهرت فيه الإعلامية ياسمين عز وهي تشيد به وبموهبته، وتستنكر موجة الهجوم على أعماله الفنية في السينما وبالأخص فيلمه الجديد “تاج”.
وعلق تامر بحسابه الخاص على موقع التواصل الاجتماعي “إنستغرام” قائلاً: “فيلم “تاج” تم بيعه بنجم شباك 1، مش تجميعة نجوم، ودي حاجة تحسب للفيلم وبعملها كل سنة الحمدلله، وكونه نوع جديد للسينما العربية يحسب للفيلم برضه، الفيلم الحمد لله تم توزيعه النهاردة عالمياً أكيد دي حاجات بتزعل بعض ضعاف النفوس… ولكن واقعها على الناس العقلاء جميلة اللي بيتمنوا الخير لابن بلدهم اللي حاجة زي كده بتشجعهم إن مفيش مستحيل ولا يمكن نبقى حافظين مش فاهمين”.
مضيفا: “وكمان بقى بجتهد وبألف وبخرج، زمن غريب والله بنلوم المجتهد اللي بيألف وبيخرج وسايبين الكسلان وضعاف النفوس، يكفيني شرف أن الفيلم العربي صاحب أعلى إيرادات في تاريخ السينما العربية دولياً إنتاج مصري هو فيلم من إخراج تامر حسني، فيلم بحبك، تفتكر دي وقعها على الودن عادي؟!!! لا طبعاً، هي مؤلمة أوي بس مؤلمة لغير الأسوياء، وجميلة للعقلاء اللي بيتمنوا الخير لابن بلدهم اللي حاجة زي كدة بتشجعهم إن مافيش مستحيل ولا يمكن نبقى حافظين ومش فاهمين”.
وأردف حسني: “أحب أطمنك يا ياسمين إنه لا يصح إلا الصحيح وخلّي بالك الجمهور ذكي جداً ويمكن بسبب الحملات الساذجة دي الجمهور زاد طلبه على الفيلم لإن الحملات زادت فضول الناس إنها تروح الفيلم عشان تحكم بنفسها، ولما راحوا عجبهم الفيلم بدليل إيراداته الضخمة، لو جبت أهم شركات في العالم عشان يقدّموا فكرة بالذكاء ده عشان أعمل دعاية لفيلمي مكانوش هيوصلوا لربع المفعول الإيجابي اللي عملوه الحملات واللجان المأجورة في إثارة فضول الناس إنها تروح تشوف الفيلم والله مفعولهم مردوده أقوى من الدعاية اللي بندفع فيها فلوس”.
واختتم تامر: “بالمرة نشيل من على شركة الإنتاج باند الدعاية عشان مكلف أوي بصراحة ونسيبه على المغيوظين هما يدفعوه ربنا ما يقطعلهم عادة أحب أفرحك أكتر يا ياسمين فيلمي اللي جاي تصويري كمان، شكراً لدفاعك عن الحق يا أحلى ياسمين”.
وانتقد عدد كبير من الجمهور ورواد مواقع التواصل الاجتماعي المختلفة المختلفة فيسبوك وإنستجرام وغيرهما، تصريحات النجم تامر حسني، بسبب أن سوف يسير على خطى بعض الفنانين الذين ينكرون مجهود زملائهم في أعمالهم الفنية، وخاصة جمهور شريكته في العمل الفنانة دينا الشربيني التي حققت نجاحاً كبيراً في العديد من الأفلام بمفردها.
ومن الجدير بالذكر أن تامر حسني ودينا الشربيني قاما بإلغاء متابعة بعضهما البعض عبر انستغرام، بعد عرض الفيلم، وفيلم “تاج” هو من بطولة تامر حسني، دينا الشربيني، ساندي، وبيومي فؤاد، ومن تأليف تامر حسني وإخراج سارة وفيق.
