ياسمين عز: تامر حسني عدى مرحلة إن إحنا نقول ده عنده موهبة ولا معندوش.. ده وهو نايم ممكن يألف أغنية

دافعت الإعلامية ياسمين عز، عن النجم تامر حسني، في أحدث حلقات برنامجها “كلام الناس” الذي يعرض عبر قناة “MBC مصر”.

ياسمين عز: تامر حسني عدى مرحلة إن إحنا نقول ده عنده موهبة ولا معندوش.. ده وهو نايم ممكن يألف أغنية

حيث قالت: “ليه البعض كل أما تامر حسني ينزل بعمل أو فيلم يكسر الدنيا أو حاجة وعادة ما شاء الله بتكسر الدنيا ليه شوية متربصين يتربصوا بهذا النجم ويفضلوا بقى لجان ألكترونية وشوية قلة يفضلوا يهاجموا من غير ما يعرفوا الموضوع ونحارب الناجح.. ليه بقى؟”.

وأضافت: “الموضوع ده أنا خدت من سنة والنهارده.. من سنة كان فيه فيلم كسر الدنيا والإيرادات وقعدت على نفس الكرسي ده وقولت كلام شبه اللي هقوله دلوقتي والنهارده.. فعرفت إن الموضوع منظم.. الراجل ده ناجح.. عنده بعض الغيرانين من نجاحه وأكتر م البعض شوية.. كل ما ينزل حاجة وقبل ما تنزل في السينما يبدؤا الناس دول يكسروا فيها ويقللوا منها ويقولك أصل مش عارف إيه”.

وتابعت: “يا جماعة تامر حسني عدى مرحلة إن إحنا نقول ده عنده موهبة ولا معندوش.. عداها من زمان.. تامر حسني وهو نايم كده ممكن يألفلك أغنية.. أو وهو بياكل السلطة كده يألفلك أغنية يألف.. راجل عنده خبرة.. لما يكون عندك فنان شامل ونجم شامل.. ليه ما بنسقفش للناجح اللي عندنا ونسقف للي بره؟ ليه ما بنسقفش للمصري ابن بلدك.. بقالك 600 سنة ما عندكش فنان شامل من أيام عبد الحليم حافظ جالك تامر حسني فنان شامل ونجم شامل.. يغني يمثل يلحن يألف يخرج.. مش عملك أعمال حلوة.. عندك نجم شامل افرح بيه.. افتخر بيه.. ده النجم اللي بيشرفني بره وجوه”.