ياسمين عز: بلاش تزهقوا الشيوخ بأسئلة كل سنة بتاعت لو قولت لخطيبي بحبك أبقى فطرت؟ لأ تبقي بتستهبلي
طالبت الإعلامية ياسمين عز، خلال حلقة أمس السبت من برنامجها “كلام الناس” الذي يعرض عبر قناة “MBC مصر” الفتيات بعدم تكرار نفس أسئلة كل سنة مع قدوم شهر رمضان المبارك.
ياسمين عز: بلاش تزهقوا الشيوخ بأسئلة كل سنة بتاعت لو قولت لخطيبي بحبك أبقى فطرت؟ لأ تبقي بتستهبلي
حيث قالت: “في أسئلة بقى الحقيقة كل رمضان ما بتخلصش.. قبل رمضان ومن دلوقتي عشان ما تزهقوش الشيوخ بأسئلتكم كل سنة اللي بتعيدوها هي هي خصوصًا المدام اللي قاعدة وبتسأل نفس الأسئلة والشيخ جاوبها السنة اللي فاتت بس هي راجعة بتسأل نفس السؤال”.
وأضافت: “يا سيدنا الشيخ هو أنا لو كلمت خطيبي أو حبيبي وقولتله قبل الفطار بحبك هو أنا كده فطرت؟ لأ انتي كده بتستهبلي.. آه يا مولانا أنا لسه عروسة جديدة وجوزي قبل الفطار باسني بوسة رقيقة على خدي كده أبقى فطرت؟ ما حبكتش تتجوزي في رمضان يا عروسة كنتي بتعملي إيه الـ 11 شهر اللي فاتوا بتعملي دراسات عليا؟.. يا مولانا أنا محجبة وخطيبي معزوم عندنا وأنا كنت مطلعة حتة من شعري كده أنا فطرت.. يا مولانا أنا لو صايمة وقعدت أنا وسلايفي اللي ما بنجتمعش على حاجة أبدًا بس اجتمعنا على حماتي وفضلنا ننم ونجيب سيرة حماتي كده أبقى أنا فطرت؟ ده انتي لسانك ده هيتشوي يوم القيامة”.
