أصيبت الفنانة ميار الببلاوي بحالة من الحزن في الساعات الماضية، وذلك بعدما تعرض ابنها للإصابة بجرثومة المعدة التي جعلته في حالة صحية حرجة ومنعته من الذهاب لامتحانه.
الحالة الصحية لابن ميار الببلاوي
وتحدثت الفنانة ميار الببلاوي، عبر تصريحات لوسائل إعلام مصرية قائلة إن حالة نجلها تزداد سوءًا منذ يومين، مؤكدة أنه يتابع حالته مع الطبيب في المنزل، وتم تشخيص حالته بأنه يعاني من جرثومة سيطرت على الأمعاء بشكل كامل؛ وسببت له المزيد من الألم.
وأضافت أن نجلها هو طالب في المرحلة النهائية من بكالوريوس الاقتصاد والعلوم السياسية، متمنية أن يعبر من هذه المرحلة بأمان.
تشخيص الأطباء لحالة نجل ميار الببلاوي
وأكدت: “الدكاترة قالوا إن عنده جرثومة ماسكه الأمعاء، وألمها صعب، والنهاردة الحمد الله بقي أفضل، وأخذ حقن كتير جدًا، عنده امتحان آخر مادة ليه النهاردة، هو في بكالوريوس اقتصاد وعلوم سياسية، وآخر مادة ملهاش إعادة، ولو بعد الشر حصل حاجة فيه؛ هيعيد السنة عشانها”.
وتابعت ميار الببلاوي، قائلة أن حالته غير مستقرة ولم تكن تسمح له بالذهاب لأداء امتحان آخر العام، ولكن أصدقائه كانوا حريصين على الذهاب معه إلى الامتحان.
وأكملت تصريحاتها: “تعبي وشقايا 22 سنة، دلوقت مستنية بس تلفون من ابني يقولي إنه حلّ في الامتحان، إن شا الله يجيب مقبول، يعدي بس، ده جايب امتياز في كل المواد اللي عدت، وكان نفسي أفرح النهاردة إن أنا خلصت مشواري التعليمي معاه.. هو مالوش أبّ، محدش ربى ابني معايا”.
ميار الببلاوي تستغيث وتتحدث عن سيدة المقابر
وقالت الفنانة ميار الببلاوي من خلال منشور عبر صفحتها على موقع التواصل الاجتماعي”فيسبوك”: “إيه ده إيه الدنيا دي إيه الناس دي إيه الواحد عايش في كوكب لوحده ملهوش حد ولا يفرق مع حد كلوا يالا نفسي ولو ليه مصلحة يعملك نفسه مروحة ولا ملوش متلزموش”.
وأكدت ميار الببلاوي أنها تقابلت مع سيدة في المقابر وتحدثت معها حيث قالت:” دي كلمة ست طيبة لقتني ببكي في المسجد بتاع المقابر وقالت لي دموعك غالية وفريها الجايات كتير والله استغربت كلامها وكأنها بتأهلني للي جاي النهاردة”.
واختتمت ميار الببلاوي: “ابني من الصبح بيموت بين إيدي بيرجع وبيتلوي من المغص ودكاترة داخلة ومحاليل وحقن وأدوية وبكرة امتحانه الصبح لأنه في بكالوريوس ودي آخر مادة طبعا كده خلاص مفيش أمل إلا بمعجزة من عند ربنا لأنه رايح راس في راس والسخونية 40 ألاقي حد حقير كلمني وبحكيله إن ابني تعبان وبيموت من المغص وبيصرخ يطلب الطلب اللي هو عاوزه ويقفل..عاوزه أقول الله ما يحوج حد لحد بس بعد الضنى مفيش وكده حلو أوي”.
