تصدر مسلسل غرفة 207 محركات البحث طوال شهر نوفمبر وديسمبر، بسبب أحداثه المرعبة والمشوقة في نفس الوقت فطوال حلقاته يريد الجمهور معرفه من هي ريهام والتي تمثل الروح الساكنه في غرفة رقم 207 ولماذا جمال هو السبب في كل الذي يحدث في الفندق.
“سارة” في كواليس مسلسل غرفة 207
وفي ذات السياق، كشفت الفنانة ناردين كواليس مرعبة حدثت أثناء تصوير المسلسل، حيث قالت في لقائها ببرنامج عيش صباحك: ” كان بيحصل حاجات عجيبه جداً في الأوتيل، يعني أنا فاكره مرة في الحفلة اللي كانت في الحلقة السادسة كان في ناس كتير اللي هما المفروض كانوا المعازيم، وكنا بنصور المشهد بليل جداً يعني على 2 أو 3 الصبح، كنت واقفه أنا وفراج عند الريسبشن، فلاقينا فجأه واحد بعيد بيصوت وبيصرخ وبيقع، فطبعاً المكان كله سكت، إحنا بنتكلم في شغل وفجأه لقينا حد بيصوت فقولتلهم أنا هروح، وخدوا الرجل بره وهدوه، وبرضه حصل موقف مع ريهام عبد الغفور والستارة طارت في وشهها”.
سارة: مشهد القطة كان جرافيك وصعب جدًا
وتابعت الفنانة ناردين: “مشهد القطة اللي كانت بتتحرك وبتوريني نفسها وتطلع وأنا بمشي وراها، كان جرافيك فكان لازم أبقى مركزه وبصه في نفس المكان، فكان المشهد مش سهل، بس أستاذ محمد بكير المخرج كان مركز أوي في التفاصيل فكانو حاطينلي علامات على السلم وبيقولولي سرعتها هتبقى عامله أزاي فهي بتنتقل معاكي بنفس السرعة.
الخواجة في مسلسل غرفة 207
ومن جانبه، قال الفنان مراد مكرم، في برنامج “عيش حياتك “، إنه كان يحب أجواء العمل وكان يفتعل مقالب مع زملائه لأنه يعشق المرح ولا يتفاعل مع أجواء الرعب، متابعًا: “أنا أدخل أي مكان أشيل أي رعب منه، كنت بتفنن في افتعال مقالب عشان أخض فريق العمل، واستوحيت طريقه كلام الخواجة من شخصية تعرفت عليها في صغري وكان إيطالي يدعى أيفانو وكان يقيم في الأسكندرية.
ريهام عبد الغفور تكشف كواليس مسلسل غرفة 207
وقالت الفنانة ريهام عبدالغفور، في تصريحات صحفية: “أول ما ابتدينا تصوير فجأه الأبواب كلها اتفتحت والستاير طارت كأننا بنعمل VISUAL EFFECT، فبدئو يشغلو قرءان كل يوم قبل التصوير بساعة.
مسلسل غرفة 207 كان من سيناريو وحوار السيناريست تامر إبراهيم، من إخراج تامر عشري، يتضمن الجزء الأول 10 حلقات، وشارك في البطولة محمد فراج”جمال”، وريهام عبد الغفور”روح الغرفه”، وناردين فرج”سارة”، ومراد مكرم”الخواجه”، ويوسف عثمان”مصطفى”، وكامل الباشا”عم مينا”، والعديد من النجوم، إلى جانب باقه من ضيوف الشرف.
