ياسمين عز: لو جوزك سرحان متقلقيش، هو بيفكر بس كهربا هيلعب أساسي ولا لا، وشريف هيرجع مخيف ولا مش في الفورمة
قامت الإعلامية “ياسمين عز” بالحديث عن مباراة القمة ما بين الأهلي ضد الزمالك، ضمن منافسات الدوري المصري الممتاز، حيث قامت بتقديم بعض النصائح للزوجات تتعلق بكيفية التعامل مع أزواجهن أثناء المباراة.
وقد صرحت ياسمين عن طريق برنامجها “كلام الناس” والذي يذاع على قناة إم بي سي مصر يوم أمس الجمعة قائلة: المباريات دي بيكون ليها بعض الطقوس الخاصة، الأجواء بتكون متكهربة، لو انتي مخطوبة ورنيتي على خطيبك ومردش متزعليش عشان هو موجود دلوقتي في دنيا تانية.
وأكملت تصريحاتها: لو جوزك مش عارف ينام وعنده أرق، متقلقيش هو مبيفكرش في واحدة غيرك، هو بيفكر في حاجات كتير في الماتش زي كهربا هيلعب أساسي ولا لا، يا ترى جدو فيريرا هيبدأ بعمر جابر ولا تشافي، المهاجم شريف هيرجع مخيف ولا لا.
وأضافت: يفضل تتفادي جوزك والمشاكل خلال الأيام دي، إنتي متعرفيش حاجة عن الصراعات الموجودة في دماغه.
