وضح نجل المستشار مرتضى منصور عضو مجلس إدارة نادي الزمالك احمد مرتضى، السبب وراء عدم دفع مستحقات نادي سبورتنج لشبونة البرتغالي، بعد انتقال شيكابالا للقلعة البيضاء عام 2016، حيث يذكر أن اللاعب قد انتقل مقابل 650 ألف دولار، ودفع المالكي مبلغ 140 ألف دولار ليتبقى 510 آلاف فقط، وكان لابد من تسديد هذا المبلغ في مواعيد محددة وفقا للتعاقد، ولكن لم يسدد النادي مستحقات النادي البرتغالي.
وقال أحمد مرتضى بتصريحات تلفزيونية عبر قناة نادي الزمالك: “في واحد قاللي إنتو كنتوا بتخصموا فلوس من عقد شيكابالا لدفعها لنادي سبورتنج لشبونة، انتو وديتوا الفلوس فين؟ حضرتك متعرفش إن نادي الزمالك عنده دفاتر ومدير مالي، كل فلوس داخلة النادي معروف دخلت فين، وكل فلوس خارجة معروف خرجت فين”.
وأضاف لحديثه قائلاً: “اتهامنا إننا أخدنا فلوس شيكابالا اللي خصمناها منه غير مقبول، إحنا خصمنا فلوس من شيكابالا لأن ممدوح عباس (رئيس الزمالك الأسبق) كان عامل عليه عقوبة 2 مليون جنيه، لأنه حدث خلاف بينه وبين حسن شحاتة (المدير الفني الأسبق للزمالك)”.
وتابع: “إحنا فعلا أخدنا فلوس شيكابالا ولم نرسلها لسبورتنج لشبونة، ولكن صرفناها على ناس تانية، صرفناها على طارق حامد ومحمود علاء وباسم مرسي، الفلوس كانت بتبقى موجودة في الخزنة، لأننا بنعمل عمل مؤسسي، هناك إدارة مالية عارفة الفلوس دخلت فين وخرجت فين، مش تقوللي وديتوا الفلوس فين؟!.. الحمد لله إحنا فوق الشبهات.. في جمعية عمومية بتحاسبنا، وجهات رقابية تراقب علينا، الناس اللي بتشتغل في الزمالك ناس شريفة”.
