صرحت المطربة ياسمين نيازى، عن أنها إنطوائية وتعبت كثيراً بسبب طبيعة عملها بالغناء، وكشفت عن كواليس من حياتها الشخصية، وأشارت إلى أنها أُصيبت بإلتهاب في الأعصاب الطرفية ولم تستطيع المشى، وأن من رافقها أثناء فترة مرضها هو كلبها.
ياسمين نيازى لـ ياسمين عز: «صاحبى هو كلبى والحيوانات أحسن مننا بكتير»
وأكدت الفنانة، أثناء استضافتها ببرنامج “كلام الناس”، والتى تقوم بتقديمة الاعلامية ياسمين عز، والذى يُذاع من خلال فضائية “mbc مصر”، وقالت:ـ “ممكن أكون إنطوائية شوية بسبب إنى تعبت في الشغلانة بتاعتنا أوى، وحصلى مشاكل ونفسيات كتيرة مع العلم بإنى بدأت علمى صغيرة”.
وتابعت المطربة:ـ “أنا مشاغبة في رومانسيتى، ومش بكمل في علاقتى، وده علشان أنا على قد ما بحب على قد ما بزعل، وجقيقى مش بعرف أسامح بسرعة وده عيب فيا.. أنا بسامح بعد فترة، ولكن من الصعب أنسى الموقف اللى حصل”.
وأضافت ياسمين:ـ” أنا طفشت عريس واحد بس، وده علشان هو عمل حاجة استفزتنى، وده بالرغم من إن نيته إنوا يدخل البيت من بابه، ولكن رفضته علشان كلم ماما قبل ما يكلمنى، وماما قالت ليا ساعتها إنوا بيخاف منى وإنى مينفعش أعمله كده، وكان ليا علاقة خطوبة قبل كده، وكنت بحبه أوى، ولكن بعد فترة لقيت نفسى مش مرتاحة، وبجد هو كان عاوز مشاعر مش هقد أديها له”.
وتحدثت الفنانة خلال اللقاء، عن فترة مرضها وقالت:ـ “جالى التهاب أعصاب طرفية بسبب شوية زعل، ولحد دلوقتى بتعالج منها، والتعب ده لما جالى كان فجأة ومكنش في عندى أى أعراض مرضية، والدكتور ساعتها قالى إنتى صغيرة ومينفعش تضغطى نفسك أوى بالشكل ده”.
وأنهت:ـ “صاحبى هو كلبى، ولما كنت تعبانة ومكنتش بمشى كنت على السرير وهو نايم تحت ورافع راسه ومستنى إنى أخف، وبجد ربنا خلق الحيوانات في الكوكب بتاعنا علشان يعمل حالة توازن، وياريت الناس تحاول تحبهم أكتر ونعيش مع بعض، وبجد هما أحسن مننا بكتير وعندهم قلب”.
