أثار الفنان المعروف تامر عبدالمنعم، الكثير من الجدل خلال الساعات القليلة الماضية، بعد أن كشف عن كواليس من حياته الشخصية، وأوضح عن أسباب الهجوم عليه بسبب فيلمه الشهير “المشخصاتى 2″، وتحدثت عن رأيه فيما حدث مع المطرب هانى شاكر، وأيضاً تحدث عن رأيه في برامج المرأة.
تامر عبدالمنعم: «مفيش واحدة تستاهل إنك تعيش معاها في الحرام»
وأكد الفنان، أثناء استضافته ببرنامج “أنا سعيد”، والذى يقوم بتقديمة الاعلامى سعيد جميل، والذى يُذاع من خلال فضائية “القاهرة والناس”، وقال:ـ “أحسن حاجة إن هانى شاكر ساب منصبه بنقابة المهن الموسيقية، وكمان نجم كبير ورا الموضوع ده، وحقيقى واحد من اللى شتمونى بعد ندوة هانى شاكر إتسجن في قضية أفيون”.
وتابع عبدالمنعم:ـ “أنا عملت فيلم المشخصاتى 2 علشان تبقى شهادة حق للتاريخ والمواطن، وهيجى يوم من الأيام يتقال إنى شتمت في جمعة الغضب، ودلوقتى شوف هما فين وإحنا فين”، وأشار الفنان إلى أن فكرة الزواج ليس من أجل المتعة وفقط، وعلق قائلاً:ـ “الجواز مش عملية جنسية، وحقيقى مفيش واحد تستاهل إنك تعيش معاها في الحرام”.
وأضاف تامر:ـ “والراجل اللى يضرب مراتوا يبقى محتاج لطبيب نفسى ضرورى، ولو في حد ضرب بنتى يبقا البقاء لله”، وأوضح الفنان بأنه لا يُوجد شئ اسمه برامج المرأة، حيث قال:ـ “مفيش حاجة اسمها برامج المرأة.. اسمها توك شو، ودى في النهاية برامج بتملى الوقت، وكمان مواعيدها مش مناسبة.. أنا مش شايف ليها تواجد”.
وأنهى الفنان حديثه:ـ “مذيعة طلعت تشتم في الرجالة وتهاجمهم، وراحت واحدة تانية طالعة تعلى عليها وتشكر في الرجالة”، وتحدث عن الفنان عادل إمام وعن السوشيال ميديا وقال:ـ “الزعيم بيصحى من النوم الساعة 8 صباحاً، ويُقال عنه بأنه أرخص فنان في مصر كلها، وبجد خراب البيوت بسبب السوشيال ميديا”.
