أثارت الفنانة الجميلة سارة نخلة، الكثير من الجدل خلال الساعات القليلة الماضية، بعد أن كشفت عن رأيها بأنها ضد التبرع للغارمات، وأشارت بأنها تحتقر أى فتاة تسمح لنفسها بأن تقوم بتغريم والدتها من أجل أن تتزوج، وتعيش هى حياة سعيدة.
سارة نخلة عن زواج الغارمات: «يعنى إيه واحدة تتجوز ومامتها تتسجن»
وقامت الفنانة، بكتابة منشور من خلال حسابها الرسمى على موقع التواصل الاجتماعى “فيس بوك”، وقالت:ـ “يعنى إيه أروح أتجوز وأنا متأكده إن والدتى ماضية على سندات أوشيكات أو أى حاجة ممكن تعملها مشاكل وتوديها السجن، وده عشان أتجوز وأتبسط وأعيش حياتى، وكمان أتفشخر أمام أهل عريسى، وإن والدتى جهزتنى وجابتلى غسالة وتلاجه وسجاد بالشئ الفلانى، وده مع إنى عارفة إنها مش هتعرف تسدد حق الحاجات دى”.
وتابعت الفنانة:ـ “وبجد هو فين التربية والإحساس والأخلاق اللى تخلى واحدة تسمح بإن والدتها تبقى إسمها من الغارمات، والناس تتبرع ليها بفلوس عشان تخرج من السجن بسببها”.
وعلقت سارة:ـ “حقيقى أنا ضد التبرع للغارمات، وكمان بكره الكلمة دى وغير مقبولة تماماً وبحتقر أى واحدة تعمل كده مع والدتها عشان تتجوز..إنتى راضية إن مامتك تتسجن عشان إنتى تتجوزى، دا أنا لو مش هتعب في الجنيه اللى هجيبة وأموت نفسى ألف مرة علشان أحوش يبقى مستهلش أصلاً، وبجد ملعون أبو دى جوازة اللى ممكن تخلى مامتى في خطر”.
وأنهت الفنانة:ـ “دا الناس بتتعب وتربى علشان عيالهم يكبروا ويخففوا همومهم عنهم، وكمان يصرفوا عليهم مش يتسجنوا علشانهم، وحقيقى مش قادرة أفهم ولا أتخيل الناس دى بتفكر إزاى”.
