قامت الفنانة الجميلة صفوة، بالتحدث عن مهنة الرقص وعن النظرة الغريبة التى ينظر بها المجتمع للراقصة، وذلك على عكس ما تفعله الدول الأجنبية، وأكدت بأن الدول الأُوربية تُقدر جيداُ مهنة الرقص أكثر من المجتمعات العربية.
الراقصة صفوة: «أنا مش مكسوفة من لقب إنى رقاصة»
وأكدت الفنانة، أثناء استضافتها ببرنامج “قعدة ستات”، والتى تقوم بتقديمة الاعلامية مروة صبرى، والذى يُذاع من خلال فضائية “القاهرة اليوم”، وقالت:ـ “دلوقتى مين الناس الكويسة.. اللى إحنا بنحترمهم، وهنفضل طول عمرنا نحترمهم في زمن الفن الجميل زى (دنيا وفيفى عبده وبوسى)، وبجد أنا بعترف إن دول فنانات وراقصات إلى أبعد الحدود مُحترمات، وحقيقى هما على راسى من فوق”.
وتابعت الفنانة:ـ “ومن حوالى 8 أو 10 سنين فاتوا ظهر عدد من الراقصات زى (صافيناز)، وبجد كل ما العرى زاد كل الفنان ما كبر، والراقصات والفنانات المحترمات اللى بكلمك عليهم.. بقا شغلهم أقل بكتير”.
وأضافت صفوة:ـ “وحقيقى أى بلد أجنبى بيقدروا مهنة الرقص الشرقى أوى، وأنا مش مكسوفة من لقب إنى راقصة، ولكن مفيش حد بيقدر مهنة الرقص بالتقدير المناسب ليها، ولازم الوعى بتاع الناس يكون أكبر من كده، ومهنة الرقص صعبة أوى ومُتعبة، وكفاية أوى إن الرقاصة بيكون شغال معاها 40 راجل بشنبات”.
وجديراً بالذكر، بأن برنامج “قعدة ستات” تقوم بتقديمة الاعلامية الجميلة مروة صبرى، ويُذاع من خلال قناة “القاهرة اليوم”، ويتم إذاعته بوم السبت من كل أسبوع، وتقوم الاعلامية بإستضافة مجموعة كبيرة من نجوم الفن والمشاهير والشخصيات العامة.
