كشفت الراقصة صفوة، عن كواليس من علاقتها بزوجها الثالث، والذى كان السبب الرئيسى في دخولها السجن، بعد أن أحبته بصورة كبيرة، وأشارت إلى أنها كانت تتمنى أن تكتمل تلك الزيجة.
صفوة: «جوزى التالت سرقنى ودخلنى السجن»
وأكدت الفنانة، أثناء استضافتها ببرنامج “قعدة ستات”، والتى تقوم بتقديمة الاعلامية مروة صبرى، والذى يُذاع من خلال فضائية “القاهرة اليوم”، وقالت:ـ “جوزى سرق فلوسى ودخلنى السجن، وده علشان أنا حمارة ومش أنا لوحدى بقول الكلام ده وعارفة إن في ستات كتير سامعين كلامى، وكمان بيرددوا نفس الكلام اللى بقوله، وهو عمل كده بالرغم من إنه كان بيعمل حاجات كويسة أوى معايا ومع عائلتى، وعقلى ساعتها مكنش قادر يستوعب إن كل الخير اللى عمله منى أنا”.
وتابعت الفنانة:ـ “وأنا وقتها لما كان حد بيقولى إن جوزك مش كويس وشوفى حياتك ومستقبلك مكنتش بسمع الكلام وأعمل لمستقبلى، وبجد أنا كنت بالنسبة له الفرخة اللى بتبيض دهب، وأنا عمرى ما كنت بفكر وراه، ومكنتش مصدقة ولا مستوعبة إنوا بيصرف من فلوسى”.
وتحدثت صفوة خلال اللقاء، عن مهنة الرقص وأن الراقصات زمان كانوا أكثر إحتراماً، وعلقت قائلة:ـ “دلوقتى مين الناس الكويسة.. اللى إحنا المفروض نحترمهم، وهنفضل طول عمرنا نحترمهم.. أكيد من زمن الفن الجميل زى فيفى عبده، ولوسى، ودنيا، وحقيقى هما دول فنانات وراقصات إلى أبعد الحدود مُحترمات، وهما بجد فوق دماغى من فوق”.
وأضافت صفوة:ـ “ومن حوالى 8 إلى 10 سنوات فاتوا ظهر مجموعة من الراقصات اللى زى صافيناز وغيرها، واللى ماشيين على مبدأ كل ما العُرى زاد كل ما الشغل كتر، والفنانات والراقصات المحترمات اللى بكلم حضرتك عليهم بقا شغلهم أقل بكتير عن غيرهم”.
افلام مصريه جديده. #