كشفت الفنانة الجميلة علا غانم، عن كواليس تعرضها للضرب هى وأسرتها من قبل زوجها رجل الأعمال المعروف عبدالعزيز لبيب، وقالت بأنها فوجئت يوم الجمعة الماضى بهجوم مجموعة من الأشخاص عليها بمنزلها.
علا غانم بعد إعتداء زوجها عليها: «مش هقول أنا فين»
وأكدت الفنانة، أثناء مداخلة هاتفية مع الاعلامى عمرو أديب، والذى يقوم بتقديم برنامج “الحكاية”، والذى يُذاع من خلال فضائية “mbc مصر”، وقالت:ـ “يوم الجمعة الصبح لاقيت شخص غريب بيخبط عليا، وبيقولى إنزلى في ناس تحت تبعك وعاوزينك”.
وأضافت الفنانة:ـ “روحت البلكونة أشوف مين تحت، ولما بصيت لاقيت ناس كتير رجال ونساء ويريدون إقتحام منزلى، وكان في واحد فيهم اسمه محمد حسين صديق زوجى، وكان بيتكلم معايا بطريقة غير لائقة، وساعتها بدأت بالصراخ بصوت عالى، ولاقيت جوزى وأصدقائه يقتحمون البوابة للدخول للمنزل وطردى”.
وتابعت علا:ـ “وبعد كده تم التعدى عليا في المنزل بعد ما إقتحم البيت هو واللى معاه، والسيدات اللى كانوا معاه خدوا منى الموبايل واستولوا عليه، ومش بس كده تعدوا عليا بالضرب”.
وأوضحت الفنانة:ـ “ولما روحت قسم الشرطة، لاقيته عامل محضر بخصوص تعرضه للهجوم من خلالى، وأنا في القسم طلبوا منى إنى أتصالح معاه والموضوع يخلص، ولكن أنا رفضت وقولت مش هيحصل أبداً”.
وأشارت علا غانم، إلى أن البوليس وصل وتوجهوا جميعاً إلى قسم الشرطة، وعلقت قائلة:ـ “وأنا في قسم الشرطة وجهولى تهمة التعدى على زوجى وإقتحام المنزل، وإنى نطيت السور، وأصروا إنى أعمال تصالح وإلا هتقعدى في القسم لتانى يوم إنتى ووالدتك، وأنا رفضت ومشيت الساعة 6 الصبح”.
وأنهت الفنانة حديثها وقالت:ـ “وأنا ماشية المساعدة بتعاتى كلمتنى وقالت إن في ناس اتهجمت على البيت وإنها طردتهم، وروحت راجعة تانى للقسم وعرفتهم وأرسلو معى قوة، وهو دلوقتى قاعد في بيتى ومعاه الناس اللى رموا مولوتوف على بيتى يوم 9 نوفمبر، وأنا مش هقول أنا فين”.
