أثارت الفنانة الجميلة حورية فرغلى، الكثير من الجدل خلال الساعات القليلة الماضية، وذلك بعد تصريحاتها مع القاهرة 24، حيث تحدثت الفنانة عن تطورات حالتها الصحية وعن أنها تريد أن تعيش قصة حب وعن رغبتها الشديدة في ارتداء الحجاب.
حورية فرغلى: بتمنى من ربنا إنى ألبس الحجاب
وأكدت الفنانة أثناء تصريحاتها، على أن القفص الصدرى الخاص بها لا يوجد به عظام بعد أن أجرت 27 عملية جراحية بالأنف وقالت:ـ “خلاص مبقاش في عضم في القفص الصدرى علشان أحطة في مناخيرى، ولكن الحمد لله دلوقتى بقيت بتنفس وأتذوق كويس.. وراضية حالياً بشكلى ووصلت لحالة من الصفاء والرضا، واللى عاجبه عاجبه واللى مش عاجبه يغير المحطة”.
وتحدثت الفنانة عن الحب في حياتها، وعلقت قائلة:ـ “أنا متجوزتش وماخلفتش، وبجد نفسى أعيش قصة حب حقيقية بس مفيش حد إتقدم ليا لحد دلوقتى، وأنا أهم حاجة في الشخص اللى هرتبط بيه يكون أبيض من جوه، ومش مهم أوى فكرة الشكل بس الأهم يكون راجل محترم وقلبة كويس وبجد يخاف ربنا فيا ومايخونيش”.
وأكدت فرغلى، على أنها تتمنى من الله أن يُعينها على إرتداء الحجاب وقالت:ـ “حجيت 7 مرات، وكمان علاقتى بربنا كويسة أوى مش بسبب الصلاة وبس، وأنا على طول بدعى ربنا إنه يدينى القدرة على إرتداء الحجاب، وده علشان بجد أنا نفسى ألبسه”.
وأنهت حورية حديثها:ـ “أنا معنديش عيلة ولا زوج ولا أولاد أنشغل بيهم في الدنيا، وكمان مكملتش اللى نفسى فيه بالتمثيل ومش عارفة أعيش حياتى كويس، وبتمنى من الله إنوا يقولى هيحصل إيه.. هل من الممكن إنى أكمل في شغلى الحالى وأقدم كل الأدوار اللى بتمناها، ولا هقابل شريك حياتى اللى مش هيهتم بمناخيرى بايظة ولا لأ، ولا هيهتم أنا وحشة ولا حلوة”.
