حورية فرغلى عن تفاصيل فترة إرتباطها بـ الراحل هيثم أحمد زكى

تحدثت الفنانة الجميلة حورية فرغلى، عن تفاصيل فترة إرتباطها بالفنان الراحل الشاب هيثم أحمد زكى حيث قالت:ـ “أنا كان بينى وبين هيثم أحمد زكى  علاقة عاطفية وإحترام متبادل”.

حورية فرغلى عن تفاصيل فترة إرتباطها بـ الراحل هيثم أحمد زكى

وأكدت الفنانة، من خلال لقائها بالإعلامية المعروفة أسما إبراهيم، والتى تقوم بتقديم برنامج “خبر سرى”، والذى يذاع من خلال فضائية “القاهرة والناس”، حيث قالت:ـ “أنا قابلت هيثم في بروفة فيلم كف القمر والدور اللى كُنت هعمله كان معاه، وفى الفترة دى قربنا من بعض أوى، وده علشان هو كان بيصعب عليا أوى بسبب إنه كان لوحده على طول.. وفى أوقات كتير كُنت بشوفه لوحده وعمال يبكى، وفى مرة من المرات حبيت إنى أقرب منه وهو كان بالنسبة لى زميل عزيز وأكتر شوية”.

وتابعت فرغلى:ـ “ولكن هيثم إرتبط بيا عاطفياً أكثر.. وأنا كُنت حاسة إحساس غريب من ناحيته بس مكنش ينفع، وده علشان أنا أكبر منه بـ ست سنوات، وفى أخر مرة كلمته كانت خناقه بينى وبينه وقال باى باى يا طنط.. وأنا من بعدها مكلمتوش تانى، وعلى فكرة أنا بسبب هذه التجربة من المستحيل إنى أرتبط بشخص أصغر من بيوم واحد، وده علشان التجربة بالنسبة لى كانت قاسية أوى ومن الصعب إنى اكررها”.

كما تحدثت الفنانة في نهاية اللقاء عن المصدر الأساسى لثروتها، وأنها لم تحققها من خلال عملها بمجال الفن على الرغم من أنها كانت تحصل على أُجور عالية جداً حيث قالت:ـ “أنا عندى فلوس كتير ورثتها عن عائلتى.. وكمان الفلوس اللى بتيجى من العمل بالتمثيل بصرفها على شغلى من شراء ملابس وإكسسوارات وخلافه، وأنا كمان بحب جداً أصرف على شغلى لو المنتج مش هيصرف.. وكمان أنا معنتش فلوس علشان أنا بطبيعتى إنسانة مسرفة.. مش بعرف أحوش”.