قامت الفنانة فريدة سيف النصر، بالرد على الحملة التى انطلقت ضد الفنان محمد رمضان، والتى كانت بدايتها إلغاء حفل الاسكندرية ومن بعدها حفل سوريا، وكشفت الفنانة عن رأيها بما يدور خلال هذه الفترة مع رمضان، وأكدت بان ردود الأفعال التى حدثت معه مبالغ فيها كثيراً.
بعد إلغاء حفليه بالاسكندرية وسوريا.. فريدة سيف النصر ترد على منتقدى محمد رمضان
وقامت الفنانة بالتعليق من خلال حسابها الرسمى على موقع التواصل الاجتماعى “فيس بوك”، وقالت:ـ “هو في إيه محمد رمضان كده أُوفر.. دى عين.. الكلام اللى بنسمعه ده أغرب من الخيال، وإحنا طول عمرنا بنعمل مسرح في ماريا عروسة البحر المتوسط، وكمان طول عمرنا عارفينها فاتحة أحضانها للفن وهى أصل الفن ومنبعه، وهناك أكرم ناس ذواقة لكل ألوان الفن المُختلفة من عند السيد درويش لغاية حمو بيكا وأكتر من كده شوية.. إيه بقى اللى حصل.. لا إله إلا الله”.
وتابعت:ـ “وعلى فكرة اللى اتخرب بيته اللى عامل الحفلة، وعارفينهم حقيقى إنهم باعوا التذاكر كلها، وبعدين الناس اللى بتحبه يولعوا يعنى علشان العند، وعلى فكرة محبى رمضان أغلبهم شباب وكمان معندهمش حتة العند وحقد العواجيز، ولكن لو سيادتك ارتحت يهمنا أوى راحتك وسلام.. يا ستير يارب”.
وأضافت فريدة:ـ “والمسئول عن التصاريح ناقص يدخل اللى مش على مزاجه بفيزا، واللى مش قادرين يستوعبوه إن الفنان عمره أطول وبيستمر أكتر من أى كرسى أو مركز زائل.. هو إيه الغلب االلى إحنا عايشين فيه.. طب ده تار ولا إيه من حقنا نفهم علشان مندافعش وخلاص.. ياريس الاسكندرية مش بتاع أى مسؤول دى بتاعت الكل وإحنا أغلب أهالينا من هناك، والجدعنة الاسكندرانى وكرم الدنيا ما بيكرهش شخص وبيحب كل الألوان”.
وأنهت الفنانة:ـ “وفى النهاية أنا ربنا خلقنى كده وبخسر كتير بس بكسب نفسى، وكمان اللى بصدقه وأحس إنوا مظلوم أو مُستهدف بجد بدافع عنه طالما مقتنعة.. أستغفر الله جرى لينا إيه؟، ويبقى السؤال موجود مين السبب؟.. هو في حد اشترى الاسكندرية؟.. فهمونا دى حته مننا وبتاعتنا وسلام”.
مين أصلا فريده سيف النصر دا انتى مطلعتيش رديتى على الهجوم على شيخ الازهر ولما يكون دا بالنسبالك فن بيقدم يبقى فعلاً يبقى انعدمت الاخلاق لما واحد يغنى عريان على خشبه المسرح دى تبقى سفاهه وقله ادب
اولا مفيش رفض في الدنيا بدون سبب . اكيد حملة اسكندرية ضد محمدظرمضاب بسبب يستدعي الي الرفض . محمد رمضان معروف هو بيغني وبيرقصازاي ويعمل ايه عالمسرح في حفلاته .كلمات هابطة وتصرفات مستفذة ضد الذوق العام لولاها انه بيقلع هدوم . ويرقص بحركات غير مقبولة اخلاقيا تجرح مشاعر الجميع . ثانيا جبينه من الشباب الغير ملتزمين اخلاقيا ولعلهم من منحرفين وجهلاء وهمجيين . تعال نشوف محمد رمضان ليقدم ايه نتعلم منه الصح . ولا حاجة من اللي يقدمه مفيد في شيئ ينفع الشباب . مفيش غير الشخصية الهمجية والأسلوب الصيانة والمعاني الجارحة والأفعال الجارحة في قلع ملابسه . زتقولولي دة بيقدم فن ودة راجل فنان . فنان في ايه ؟ في أداء سيئ وجراح الناظرين؟ هو دة السبب في حملة رفض محمد رمضان في الاسكندرية وسوريا . اتفرجي علي حفلة من حفلاته المسجلة علي الطبيعة وانتي مش هتدافعي عنه تاني . دة غير انه مزعل ناس كتير محترمة بكلامه المهين لهم بدون سبب . محدش عمله حاجة عشان يهين ناس قاعدة في حالها بدون سبب . يعني يقول فيه فنان معروف عمل دور صبي الراقصة في فيلم الراقصة والسياسي . انا لو هاشحت معملوش . ليه كدة . ليه تجرح الناس وتهينهم من غير مايعملولك حاجة . عيب عليك . وتقولي القديم علي محمد رمضان ؟ الحقد دة علي حد ليعمل حاجة كويسة . مش بإيقاع هدومه ويقول اغاني هابطة وتقواه عليها فن ؟ كفاية بقي قلة قيمة . دة لازم يترفض من كل الناس . شيئ طبيعي أن الغلط مرفوض طبعا في كل مكان وزمان . بلا فنان بلا بتاع .
من يجلس مع الإسرائيليين ليس له مكان بسوريا
سوريا اللى قتلت أولادها وشالهم الشعب المصرى اللى محمد رمضان واحد منهم
أقل شيء هو مش سفاح بيقتل اهلو وناسوا
مع احترامى لحضرتك والاستاذ محمد رمضان الناس خايفه على ولادها من الابقدمه كله بلطجه وبعدين البس فيه حد بيلبس كده والشباب بتقلد وخلاص
كلامك صحيح لابد فيه يد تهاجم محمد رمضان نجم ظاهرة ايه كمية حسد وغيرة ولا كلام عليه هو دليل واضح واضح ان حد مشهور ياريت ميكونش اديب صحفي