قامت الفنانة عارفة عبدالرسول، بالرد على الانتقادات التى توجه لها من حين لأخر بسبب تصريحاتها وصورها التى تقوم بنشرها من خلال حساباتها على مواقع التواصل الاجتماعى، حيث اعتبرها الكثير بأنها صور جريئة.
عارفة عبدالرسول عن صورها الجريئة: «المايوه مكنش ظاهر واللى بيدينى مصروف يمنعه»
وأكدت الفنانة، أثناء استضافتها ببرنامج “معكم منى الشاذلى”، والتى تقوم بتقديمة الاعلامية منى الشاذلى، والذى يُذاع من خلال فضائية “cbc”، على أنها لا تستطيع أن تُخفى ما بداخلها، وتكشف عن آرائها وتتصرف في أغلب أمورها بعفوية دون الاهتمام بردود أفعال من حولها، وعلقت قائلة:ـ “لسانى فالت منى أعمل إيه؟، وبجد أنا عايشة على طبيعتى ومش بقصد حاجة خالص، وبعدها بتفاجئ إن الناس كبرت الموضوع وعملت منه مشكلة”.
وأضافت عارفة:ـ “أنا بتعامل عادى وبكون على طبيعتى، واللى بيدينى مصرف يقطعه أنا معنديش مشكلة مع حد، وبحب أظهر على طبيعتى، وحتى الصور اللى عملت القلق ده كله مكنش المايوه ظاهر فيها، وبالنسبة ليا الشغل أهم حاجة في حياتى، وفى النهاية مش مهم شكلى أو لبسى أهم حاجة شغلى وبس”.
ومن جانبه، فقد كشف الفنان عصام عمر على أنه يؤيد عارفة عبدالرسول في فكرة الاهتمام بعملها على حساب شكلها، وأن هدفه الأساسى المهنة وليس الشهرة أو أى شئ آخر، وعلق قائلاً:ـ “أنا شايف الشغلانة اللى إحنا بنشتغلها دى زى الراحل يوسف شاهين ما قال (مش مهم عندنا إننا نجيب أحسن عربيات.. إحنا عاوزين نعملها علشان بنحب السينما”.
وأنهى الفنان حديثه وقال:ـ “وأنا عن نفسى عاوز أعمل زيها، وكل اللى عاوزه أعمل أفلام وشغل علشان بحب ده، وإن الناس يوصلها فكرة جديدة تنور دماغها وتعلمها حاجة، وده عشان أنا كنت حاجة والأفلام هى اللى غيرتنى، وحقيقى أنا كنت قاعد في بيتى بتفرج على فيلم خلانى أقول عاوز أبقى بنى آدم نافع، وده زى فيلم المدينة وفيلم المنسى”.
