كشفت الفنانة الجميلة ليلى علوى، عن أكثر الأعمال الفنية التى أثرت عليها، وذلك خلال مسيرتها الفنية وأتعبتها كثيراً سواء على المستوى الجسدى أو المستوى النفسى، وأشارت بأن مشاركتها في فيلم “المغتصبون” أثر عليها وسبب لها الكثير من الفزع.
ليلى علوى عن دورها في فيلم "المغتصبون": «أثر عليا وجالى كوابيس بسببه»
وأكدت الفنانة، أثناء استضافتها ببرنامج “طريق تالت”، والتى تقوم بتقديمة المذيعة إيناس سلامة الشواف، والذى يُذاع عبر إذاعة “إنرجى”، وقالت:ـ “فيلم المغتصبون أثر عليا بشكل سلبى، وقعدت بسببه أتعرض لنوبات من الفزع والكوابيس، وكمان مسلسل التوأم وده علشان أنا عملت شخصيتين، وساعتها مكنش في التكنولوجيا اللى موجودة دلوقتى في التصوير، وبعد ما خلصت تصوير مشاهد العمل روحت على البيت ونمت 6 أيام شبه متواصله”.
وأما عن أكثر التجارب التى أثرت عليها خلال حياتها، علقت قائلة:ـ “تجربة الموت والفراق، وتحديداً في الفترة الأخيرة بقيت بتأثر أوى لما بسمع إن في شخص مات، ولكن اللى بيهون عليا دلوقتى هو الرضا والدعاء بشكل مستمر”.
وعن أكثر الشخصيات التى أثرت فيها وكانت مصدر إلهام لها، قالت:ـ “الراحلة سعاد حسنى لما بتفرج على أى دور عملته بحس بطاقة إيجابية، وحقيقى بحب أوى تلقائيتها، وكمان في شخصيات مُلهمة زى مى زيادة وثقافتها ومواقف إم المصريين، وأما أكتر شخص مؤثر في حياتى هى والدتى، وزمان كنت بفهم اللى بتعمله معايا بصورة خاطئة، ولكن دلوقتى عرفت إنها كانت بتخاف عليا ومعاها حق، ودلوقتى بقيت بعمل اللى كنت بنتقده فيها”.
وتحدثت ليلى علوى عن أكثر السفريات التى أثرت عليها شخصياً، حيث قالت:ـ “سفرى إلى اليونان، وساعتها كان عندى 18 سنة وكان أول مرة في حياتى أكل سمك وجمبرى، وده علشان الأكل ده ممنوع في بيتنا بسبب أبويا، واكتشفت إن عندى حساسية من السمك”.
