كشف الفنان تامر هجرس، عن رأيه في أجور الفنانين المبالغ فيها خلال السنوات القليلة الماضية.
تامر هجرس: أنا كفنان عندي أقساط عادي.. وأجور الفنانين ولاعيبة الكورة أوڤر
حيث قال في تصريحات صحفية منذ ساعات: “هو طبعًا أوڤر جدًا مش بس فنانين.. أي حد سواء لاعيب كورة سواء ممثل هو ما ينفعش إن إحنا بحس في دنيتنا دي بحس مينفعش باللي إحنا بنمر بيه اقتصاديًا حاليًا برضه وأي وقت مينفعش إن بني آدم واحد يبقى من حقه إنه ياخد المبالغ دي كلها.. لازم يبقى فيه سقف معين إحنا ما نعديش عليه”.
وأضاف: “زمان كان مثلًا التليفزيون المصري بينتج 3 أو 4 مسلسلات في السنة.. فتلاقي مثلًا لو جيبت نجم يبقى أخد نص الميزانية فالحاجات دي ما بيبقاش ليها تفسير وبعدين مثلًا بتوع الرياضة بياخدوا فلوس.. الكورة مثلًا بقت دلوقتي نوع من الإدمان وبقى بيزنس فظيع جدًا.. انتي لو تروحي أي مكان في أي وقت انتي شايفة ماتش كورة شغال كده في الخلفية.. الموضوع ده بيزنس لازم تلاحظ الناس إن هو ممكن يبقى إيجابي وممكن يضر البني آدم”.
وعن رأيه في قول البعض بأن “مهنة الفن ما بتأكلش عيش”، رد الفنان تامر هجرس، قائلًا: “أنا سمعت إن الناس قالت كده أنا ما بركزش في المواضيع دي.. أنا شايف أي وظيفة ممكن تأكل عيش على حسب انتي عايزة عيش قد إيه.. الواحد لما يبقى مكتفي بحاجات بسيطة أوي في حياته هيبقى مكتفي دايمًا.. ولما الواحد يبقى عنده قناعة ورضا.. هيبقى عنده قناعة ورضا أيًا كان أجره إيه ودخله إيه بس.. أنا كفنان عندي أقساط عادي”.
