“بنحني احتراماً ليكي”.. ريهام سعيد تهاجم محمد صلاح: «ناكش شعره في الضلمة وأنغام موقفها رجولي»

قامت الإعلامية ريهام سعيد، بالإشادة بتصرف المطربة أنغام مع المُتحدث الرسمي بإسم الجيش الإسرائيلي، وأشارت بأن هذه الأزمة أظهرت كثيراً مواقف الرجال عن غيرهم.

وأكدت الإعلامية، أثناء تقديمها لبرنامجها “صبايا الخير”، والمُذاع عبر شاشة “الشمس”، موضحة: “بجد الازمة دي بينت الرجالة اللي بيجد، ومن أهم الرجالة أنغام اللي ردت على أفيخاي مش كأنها فنانة، وده علشان هو مش ممكن يتقاله غير إن ربنا ياخده، وأنا دايماً بقول إن الكلمة بتفرق كتير، وخصوصاً لما تكون مشهور والناس بتحبك وليك كلمة مسموعة، وعلى قد تأثيرك هيكون رد الفعل، وده بمعنى إني لو كتبت له مش هيعرف أنا مين، ولكن لما يكون حد بحجم أنغام أكيد الكلمة هتسمع.. أنا بنحني أمامك احتراماً ليكي”.

وتحدثت ريهام خلال اللقاء، عن فيديو النجم محمد صلاح، والذي تكلم فيه عن الأزمة الفلسطينية الراهنة، وعلقت: “صاحبنا طالع في أوضة ضلمة وناكش شعره، ومش عارفة إن كان ده ذكاء اصطناعي ولا حد ملقنة كلميتن وخلاص، ومخدش أي موقف يقول إن اللي بيحصل ده غلط ومش صح.. ساوى ده بده، وبجد إنت خليت القضيتين زي بعض، وعلى فكرة أنا أخدت قميص محمد صلاح من إيد ابني وقطعته، وقولت له أحسنلك تشجع زيزو”.

كما تحدثت الإعلامية، عن لقاء باسم يوسف بـ بيرس مورجان وقالت: “باسم يوسف ده اللي قاد حملة ضدي، وكلم المُعلنين إنهم يسحبوا إعلاناتهم من البرنامج بتاعي، وده طبعاً بعد حلقة المول، وبالرغم من إني مش بحبه لكن هو عمل اللي محدش عرف يعمله، وده بالرغم من إنه عايش وسطيهم وملوش مصالح معاهم، ولكن فكرة إنه يطلع ويعلن تحديهم حركة شجاعة كبيرة وغريبة”.

وأنهت ريهام سعيد حديثها: “وحقيقي أنا إتعلمت من باسم حاجة مهمة، وهى إني مفرحش باللي بيتقال عليه.. هو عارف اللعبة كويس، وكان بيقول إنه معملش كده علشان الناس ترضى عنه وخلاص”.