في أول تعليق لها على شروط الفنان حسين فهمي، بشأن الالتزام بالـ “دريس كود” في الدورة المقبلة من مهرجان القاهرة السينمائي، قالت الفنانة رانيا يوسف، في تصريحات صحفية: “والله ما اتكلمت ولا قولت أي حاجة”.
تعليق رانيا يوسف على شروط ملابس الفنانين في مهرجان القاهرة السينمائي
وأضافت رانيا: “سألوني هتلبسي إيه قولت الدريس كود إيه قالولي بدلة.. قولتلهم خلاص هنشوف شكل البدلة وما قولتش حاجة غير كده”.
وتابعت رانيا: “مش متضايقة.. هتضايق ليه؟ إيه اللي هيخليني أزعل أو أتضايق.. كل واحد عنده فكره وعنده وجهة نظر في حياته.. ودي حاجة ما تضايقنيش بالعكس نحترم أفكار ووجهات نظر بعض”.
واختتمت رانيا، حديثها عن الـ “دريس كود” قائلة: “لو مش عاجبني ما أروحش.. أو أروح على حسب.. مش بتكلم عن نفسي شخصيًا بس عن أي حد”.
كان الفنان الكبير حسين فهمي، رئيس مهرجان القاهرة السينمائي الدولي، قد أعلن عن شروط اختيار الفنانين لملابسهم من أجل حضور الدورة الـ 44 من المهرجان المقرر انطلاقها في نوفمبر المقبل.
وشدد فهمي، على ضرورة الالتزام بالشروط، قائلًا: “لما جيت المهرجان لقيت كل واحد بيلبس اللي هو عايزه، لا عيب، أنا لما بستقبل حد في بيتي بحلق دقني وبغير هدومي مش بقابله بالبيجاما”.
وأضاف فهمي، قائلًا: “الموضوع تطور أكتر ما أنا كنت متخيل.. فانتهى الأمر لوريني يا حبيبتي كده الفستان.. طب لفي كده.. هو مين عمل التسريحة واسمه إيه الكوافير.. مش هو ده المهرجان”.
