كشفت الفنانة رانيا يوسف، عن الشروط التي وضعتها لزواج ابنتيها (نانسي وياسمين مختار)، وذلك خلال لقائها ببرنامج “مساء dmc” الذي يعرض عبر قناة “dmc”.
الفنانة رانيا يوسف بالحجاب - مصدر الصورة: تصميم خاص بكاتب المقال
حيث قالت رانيا: “أنا أم لبنتين.. لو في يوم حسيت إن بنت من بناتي مش سعيدة في جوازتها هحاول معاها إنها تصلح هي وجوزها اللي بينهم ولو مش في حل خلاص.. مش بشجع على خراب البيوت بس بشجع إن الطرفين يبقوا متفاهمين قبل الجواز”.
وأضافت: “اتفقت مع بناتي إن مفيش جواز قبل سن الـ 30.. وأقنعتهم بالكلام ده وهما موافقين عليه.. بناتي واحدة 23 والتانية 20 فلسه صغيرين.. ومش هيقدروا في السن ده يقرروا مواصفات الزوج المناسب لإن في السن ده البنت بتكون غير ناضجة”.
وتابعت: “هفضل متمسكة برأيي إنهم ما يتجوزوش قبل سن الـ 30 بس لو جه حد مناسب قبلها ها يعملوا اللي هما عايزينه في الآخر.. لإن بنتي مجرد ما عدت الـ 21 سنة مبقاش ليا حكم عليها.. فمش هقدر أقولها تعمل إيه وما تعملش إيه”.
