حلت الفنانة اللبنانية نوال الزغبي، ضيفة على برنامج “كلام الناس” الذي تقدمه الإعلامية ياسمين عز، ويعرض عبر قناة “MBC مصر” خلال شهر رمضان الجاري.
ليه نوال الزغبي هي اللي بتعمل شوبينج لشيرين عبد الوهاب؟ هكذا ردت النجمة الذهبية
ووجهت مقدمة البرنامج حديثها لضيفتها قائلة: “معروف عنك الاناقة الشديدة.. ومعروف إنك وانتي بتعملي شوبينج بره بتشتري وبتختاري مرات لشيرين عبد الوهاب اللبس بتاعها أو بعض القطع تاخد رأيك فيها”، لترد النجمة الذهبية قائلة: “شيرين من الفنانات اللي بحبهم كتير والفنانات اللي كتير قريبة مني وشيرين من الأشخاص اللي بتكلمني بتقولي بصي أنا محتاجة ميكب ارتست دوغري ببعتلهم ميكب ارتست.. مثلًا تقولي حلو أوي اللوك اللي عاملاه هنا بحب إني أعطيها رأيي وهي بتحب ده.. وأنا بموت فيها شيرين.. ووحشاني”.
وعن حديثهما في الفترة الماضية، قالت نوال الزغبي، أنه لم تتحدث مع شيرين منذ فترة بسبب المشاغل والأمور اللي بتحصل لأي فنان أو أي شخص بشكل عام، قائلة: أنا حسيت إن هي مرت بفترة مش مرتاحة وحسيت إن هي عايزة تفضل مع نفسها وأنا بحترم الحاجة دي”.
وتربط نوال الزغبي، علاقة صداقة جيدة بالفنانة شيرين عبد الوهاب، وظهر ذلك في العديد من المناسبات والبرامج التي تحدثت فيها ملكة المشاعر عن النجمة الذهبية.
