كشف عبد الرحمن وليد، أحد طلاب كلية آداب جامعة المنصورة، تفاصيل جديدة بشأن واقعة مقتل الطالبة نيرة أشرف، على يد زميلها لرفضها الزواج منه، والتي هزت الرأي العام خلال الساعات القليلة الماضية.
وكتب عبد الرحمن، عبر حسابه الشخصي على موقع “تويتر” عدة تغريدات متتالية يروي فيها تفاصيل الواقعة التي حدثت أمس الاثنين، حيث قال: “أنا آسف يا نيرة وحياة ربنا حاولت إني ألحقتك حاولتي إني أبعده عندك وربنا يشهد عليا إني كنت واقف مصدوم في حالة من الصدمة أول مرة أشوف حاجة زي كده في حياتي.. أيوه أنا الولد اللي كنت واقف بتفرج زي ما أنتم بتقولوا دلوقتي بسبب الجزء التاني من الفيديو بس أنا هقول كل حاجة ومش خايف”.
وأضاف: “زي ما قولت في النيابة وفي القسم وفي أمن الجامعة كل اللي حصل بالظبط أنا كان عليا امتحان وخارج من بوابة توشكى الكلام ده الساعة 11 وأنا خارج وبعدي الطريق للناحية التانية سمعت صوت صريخ جامد تلقائي جريت أشوف في إيه وكنت أول واحد يوصل وشوفت منظر عمره ما هيروح من بالي”.
وتابع: “القاتل (م. ع) ماسك نيرة كانت واقعة على الأرض وغرقانة في دمها أول ما وصلت كان اداها طعنتين في صدرها من فوق وأنا وصلت وهو بيديها التانية زقيته ووقعته على الرصيف لكنه قام تاني وحاول إنه يعورني بالسكينة اللي معاه فأنا غصب عني جريت كان هو نزل للمرة التانية وخبطت الطعنة التالتة اللي كانت في رقبتها”.
واستكمل: “وبعد لحظات بسيطة نيره كانت فارق الحياة حقك مش هيضيع يا بنتي والله وأنا أقسم بالله لسه داخل بيتي من الصبح بس علشان أكون سبب من الأسباب إن يتعدم إن شاء الله.. ربنا يرحمك ويغفر لك ويصبر أهلك على فراقك”.
انا اسف ي نيره وحياه ربنا حاولت اني الحقك حاولت اني ابعده عنك وربنا يشهد عليا اني كنت واقف مصدوم في حاله من الصدمه أول مره اشوف حاجه زي كدا في حياتي ايوه انا الولد الي كنت واقف في بتفرج زي م انتم بتقولوا دلوقتي بسبب الجزء التاني من الفيديو بس انا هقول كل حاجه ومش خايف..يتبع
— Abdelrhman Walid (@Abdelrh14566280) June 20، 2022