“بعد إخراجه لـ فيلم الإسكندراني”.. خالد يوسف عن يحيى الفخراني: «واحد من أبرز 5 نجوم في تاريخ الفن المصري وبتمنى أشتغل معاه»

قام المخرج خالد يوسف، بالكشف عن أمنيته في العمل مع الفنان يحيى الفخراني، وأشار بأن الفخراني من أهم خمس نجوم في تاريخ الفن المصري.

وأكد المخرج، خلال لقائه ببرنامج “عرب وود”: “لو في فنان واحد على أرض مصر، وحابب إني أشتغل معاه هيكون الفنان يحيى الفخراني، وده علشان هو الموهبة الكبيرة اللي أعتقد إنه يتحط في قائمة الكبار مع نجيب الريحاني ومحمود المليجي، وده لأنه واحد من أشهر 5 نجوم في تاريخ السينما المصرية كلها، وتاريخ الفن المصري”.

ومن جانبه، فقد قام المخرج خالد يوسف بالرد على الإنتقادات التي وُجهت للفنانة زينة، بعد مشاركتها بفيلم “الإسكندراني” المأخوذ عن رواية الكاتب الراحل أسامة أنور عكاشة، موضحاً: “الفنانة زينة من أشطر وأهم الفنانات الموجودة دلوقتي، والكلام اللي بيتقال عنها وإنها بتعمل مشاكل.. أنا مش شايفها كده خالص”.

وواصل خالد: “وبصراحة لما اشتغلت معايا في (كارما) محصلش منها ربع مشكلة، ومش معايا أنا بس ده مع فريق العمل كله، وبجد هى مُمثلة شاطرة ومجتهدة جداً، وحقيقي مخصصة وقتها كله للشغل ومركزة على الآخر، ومش شايف أي حاجة وحشة من اللى الناس بتقولها عنها، وعلشان كده أنا متحمس جداً إني أشتغل معاها مرة تانية”.

وجديراً بالذكر، بأن فيلم “الإسكندراني” قام ببطولته مجموعة كبيرة من نجوم الفن أبرزهم “أحمد العوضي، وزينة، وانتصار، ومحمد رضوان، ومحمود الليثي، وصلاح عبدالله، وحسين فهمي”، وغيرهم الكثير، وحقق العمل الكثير من النجاح، وقام بإخراجه خالد يوسف.