كشف الموسيقار الكبير هاني شنودة، سبب رفضه العزف في الفرقة الموسيقية لكوكب الشرق أم كلثوم، من خلال تصريحات تليفزيونية قال فيها: “أندريه رايدر عايزني أطلع مع أم كلثوم ألعب حتة في المقدمة.. وبعدين؟ الأغنية ساعة إلا ربع هقعد بقى عامل كده ولا هعمل إيه.. فهو طبعًا بصلي كده فيها شهرة وفيها فلوس.. قولتله مش على كده هعمل إيه بقى.. هقعد ألعب شطرنج مع اللي جنبي”.
هاني شنودة: رفضت أعزف ورا أم كلثوم
وأضاف: “سكت أندريه رايدر وقالي على فكرة أنت هتنجح طالما من أولها بتقول لأ على حاجة.. قولته أنا لو ليا عزف طول الوقت أنا معنديش أي مانع ومن غير فلوس مبفكرش في الفلوس.. طالما فيه عمل أنا ما بتأخرش عنه نهائي”.
وأقامت المملكة العربية السعودية حفل ضخم لتكريم الموسيقار الكبير هاني شنودة، الذي بلغ عامه الـ 80، لمسيرته الفنية وسط حضور نخبة من نجوم الفن.
وهو الحفل الذي أقيم على خشبة مسرح أبوبكر سالم ببوليفارد الرياض سيتى، ضمن فعاليات موسم الرياض بمشاركة 150 عازف موسيقي تحت قيادة المايسترو هاني فرحات.
